晏晝想食好啲，不妨睇吓今次既高級鐵板燒推介。位於紅磡都會海逸酒店入面嘅千鶴日本料理推出午市限定既千鶴昼午鐵板燒五道菜定食（菜單按此），主打好多人都中意既鐵板燒原隻波士頓龍蝦，有主菜沙律、麵豉湯、飯或烏冬，另外主菜有六款選擇（六選一），包括廣島蠔、牛柳、神戶豚肉薄燒等主菜、真係好豐富架！千鶴昼午鐵板燒五道菜定食每位 HK$488（連服務費後 HK$537）起，視乎不同主菜價錢不同。預早去酒店官網 Eshop 預繳 $500 電子按金，仲可以享有 85 折！
▼ Eshop 預繳電子按金可享 85 折▼
https://eshop.harbour-plaza.com/metropolis/zh/senzuru-lunch-ecoupon-deposit
以下是小編當日去體驗嘅情況，酒店有權因供應調整菜式，一切以當日食物為準。
▼定食一黎到，季節野菜沙律好快就已經上菜。食落充滿甜醋味，相當開胃。
▼跟住廚師就開始係鐵板開始烹調重頭戲原隻波士頓龍蝦啦（每位一隻）！廚師係略略煮熟龍蝦之後就拆曬啲肉再調味。
▼啲蝦膏都絕對冇浪費架，蝦膏混合咗牛油、白酒，再同所有龍蝦肉炒埋一齊。
▼上菜後第一印象就係龍蝦真係好大隻、好肥美；如果要係外面買一隻呢個大細既龍蝦自己煮，應該都要百幾二百蚊。食落去蝦膏好濃香同埋 Creamy，肉質彈牙感覺好新鮮，連蝦蚶既肉都已經完美取出，真係冇乜機會可以食到咁啖啖肉既龍蝦。
▼跟住廚師就開始準備 6 選 1 主菜啦！主菜分別可選帶子 或 廣島蠔、神戶豚肉薄燒 或 雞肉、美國牛肉薄燒 或 牛柳。
▼小編今次就揀咗廣島蠔做主菜；呢一個真係性價比之選！一份已經包咗 6 隻蠔，生既時侯已經覺得好大隻，本身以為係因為煮熟咗之後可能會縮水，但係煮熟咗之後依舊都係咁肥美、味道都係好鮮甜嘅，廣島蠔香再配搭埋蒜香味簡直係一流！
▼另外幾款主菜包括帶子、神戶豚肉薄燒同埋牛柳。帶子牛油香味濃郁、豚肉薄燒配合蔥絲既味道好夾、牛柳粒牛味都幾出充滿油脂。
▼講到主菜，當然唔少得主食啦。套餐已經包咗麵豉湯同埋兩款自選主食包括炒飯 或 炒手打烏冬。小編今次揀咗炒飯，比想像中無咁油膩，亦都幾香架。除此之外，仲有包埋甜品或飲品架。
▼除了套餐，我們今次額外點了宫崎和牛溫泉蛋配壽喜燒汁 HK$298，肉表面油脂開曬花，入口有少少即融既感覺。另外配合埋新鮮既溫泉蛋、再包住京蔥食，完美平衡油脂香味
*以上圖片只供參考，一切以餐廳當日為準。
千鶴昼午鐵板燒五道菜定食價錢
帶子 或 廣島蠔
HK$488（連服務費後 HK$537）
神戶豚肉薄燒 或 雞肉
HK$498（連服務費後 HK$548）
美國牛肉薄燒 或 牛柳
HK$518（連服務費後 HK$570）
預早去酒店官網 Eshop 預繳 $500 電子按金，仲可以享有 85 折！
*價錢有機會隨季節調整，一切價錢餐牌顯示為準
▼ Eshop 預繳電子按金可享 85 折▼
https://eshop.harbour-plaza.com/metropolis/zh/senzuru-lunch-ecoupon-deposit
如欲訂座或查詢詳情，請致電 (852) 3160 6898 或電郵至 fnb.hpme@harbour-plaza.com 與千鶴日本料理聯絡。
都會海逸酒店
地址：九龍紅磡都會道 7 號都會海逸酒店（紅磡港鐵站 C2 出口）
【尖沙咀凱悅酒店希戈餐廳超抵優惠！】經典套餐買 2 送 2 或 6 折優惠、夏季嚐味菜譜 6 折！
【香港 W 酒店池畔派對 85 折】早鳥優惠每位 HK$1,095，費用包入場券、W Hong Kong T 恤、無限暢飲飲料及享用小食 / 開胃菜，泳池派對完咗之後仲有後續派對添！
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
