香港酒店優惠 -【歷山酒店歷山餐廳(及宴會廳)自助餐介紹】網上預購 85 折，自助晚餐率先睇，有即開生蠔、龍蝦、阿根廷紅蝦刺身、煎鴨肝

之前報導過，位於炮台山嘅歷山酒店（Hotel Alexandra）將於 2021 年才開幕，不過歷山酒店內提供自助餐的「歷山餐廳」及宴會廳，會在 2020 年 12 月 2 日率先正式開幕，之後食自助餐又多一間酒店選擇喇！歷山餐廳每日提供自助午餐和自助晚餐，相信大家對於自助餐嘅食物同埋價錢都充滿好奇，依家上官網 eShop 自助餐，最高可以有 85 折，自助午餐成人最平每位 HK$369 起（已連服務費），自助晚餐成人最平 HK$597 起（已連服務費），RunHotel 率先同大家介紹一下歷山酒店嘅自助晚餐有咩正野食啦！

▼ 官網 eshop 網址 ▼
https://eshop.hotelalexandrahk.com/zh-hant/product-category/promotions-zh-hant/

▼大家最期待嘅凍海鮮自然唔會少，分別有即開新鮮生蠔、加拿大雪花蟹腳、波士頓龍蝦、青口、蝦、螺等，生蠔每次都係師傅即開即洗，龍蝦仲多膏添！刺身方面有帶子、阿根廷紅蝦、三文魚、吞拿魚同埋鯛魚，仲有多款壽司。

▼  當晚有來自法國既即開生蠔

▼ 北海道帶子同阿根廷紅蝦都好鮮甜

▼ 熱食方面選擇都不少，比較特別有烤瑞士芝士，大大片芝士即場炙燒充滿香氣；香煎厚切鴨肝，加入菠蘿醬及黑醋濃汁，酸酸甜甜的中和鴨肝的膩感。聖誕將至，仲會有烤火雞伴栗子釀餡配金巴利汁添！另外，仲有慢燒特級澳洲牛肋排、聚寶鮑片扣鵝掌、紅酒燴牛面頰、燒焗雞卷配龍蒿香草汁、慢燒豬柳配百里香草法式芥茉汁、辣茄蓉汁燴黑青口等等。

▼ 必食既煎鴨肝

▼ 沙律方面有羽衣甘藍麥米沙律、紅菜頭及西柚配芥茉籽沙律汁、藜麥配車厘茄沙律及金巴利乾等等。

▼  甜品方面都有唔少節日蛋糕，聖誕朱古力樹頭蛋糕、聖誕薑餅、聖誕粟子蛋糕，朱古力噴泉係白朱古力超級靚！仲有芒果拿破崙同哈根達斯雪糕任食，現場會即製熱香餅及窩夫，好耐無見嘅棉花糖都有，好有童趣！

▼ 惠顧 12 月 24, 25, 26, 31 日既自助晚餐，每位仲有焗酥皮龍蝦湯添！(每位成人一客)

▼  歷山餐廳

歷山酒店自助晚餐價錢
2020 年 12 月 02 日至 10 日、14 日 至 17 日及 28 日至 30 日
85 折後連服務費：成人 HK$597、 長者 HK$512、小童 HK$483

2020 年 12 月 11 日至 13 日、18 日至 23 日及 27 日及 2021 年 01 月 01 日
85 折後連服務費：成人 HK$664 、長者 HK$568、小童 HK$531

2020 年 12 月 24 至 26 、 31日
85 折後連服務費：成人 HK$854 、長者 HK$768、小童 HK$730

小童為 4 至 11 歲，長者為 65 歲或以上
自助晚餐供應時間：  6:30pm – 10:30pm （聖誕節、除夕和其它特別日子時間請參考官網為準）

歷山酒店（Hotel Alexandra）
地址：北角城市花園道 32 號 (港鐵炮台山站 B 出口)

▼ 官網 eshop 網址 ▼
https://eshop.hotelalexandrahk.com/zh-hant/product-category/promotions-zh-hant/