香港免費著數及優惠折扣,香港旅遊優惠著數網,旅遊情報網,特價機票,酒店優惠,旅遊著數

Uncategorised, 酒店優惠

香港酒店優惠 -【柏寧酒店住宿體驗】房價 $1,399 起,包自助早餐、Lounge 下午小食及雞尾酒時段、免費體驗班,送 ORIGINS 面膜套裝!


送成 Set 貨裝 Size 面膜超抵啊!位於銅鑼灣的 Pullman 品牌柏寧酒店最新推出 Multi-Masking Spa-cation,預訂今次 Package 會送價值 HK$600 蚊嘅 ORIGINS 面膜套裝!一共有 4 款 ORIGINS 皇牌 Multi-Masking 面膜套裝俾住客揀一份帶走(數量有限,先到先得),排毒、保濕、潔淨、光澤等功效都有,而且仲有包埋健康排毒鮮美肌果汁同鮮果盤。二人房價 HK$1,399 (連服務費 HK$1,539)起,入住尊貴豪華客房(維園景觀)一晚,包埋自助早餐,及入 Lounge 享用下午小食、雞尾酒及開胃小菜。另外,住客亦可以免費參加一個酒店體驗班,包括有即興繪畫班、瑜伽班、健身班、攝影班同塔羅占卜體驗班可以揀。

優惠可以加錢升級入住其他房型,豪華行政客房(城市景觀)二人房價 HK$1,599 (連服務費 HK$1,759)起,尊貴行政客房(維園景觀)二人房價 HK$1,799 (連服務費 HK$1,979)起,尊貴行政客房(維港景觀)二人房價 HK$1,999 (連服務費 HK$2,199)起,尊貴家庭客房(維園景觀)四人房價 HK$1,999 (連服務費 HK$2,199)起。如果連住兩晚,第二晚仲可以享有半價。

適用入住日期:2021 年 7 月 12 日起至另行通知
查詢及預訂可致電柏寧酒店,電話 2839 3366 或電郵至 reservations@parklane.com.hk

今次小編就加錢入住尊貴行政客房(維港景觀),呢個房型除咗有海景睇之外,仲有個面對住海景的浴缸,超正!下午茶及黃昏雞尾酒時間,去到位於 26 樓的 Lounge 都一樣有海景睇,而且仲有部份座位可以面對住海景坐添!小食方面,每位客人會有一份,其中雞尾酒時段的小食會相對下午茶時段的豐富精緻,而且都有 10 幾款啤酒、紅白酒及烈酒提供,另有仲有自助汽水、果汁等。至於酒店體驗班,小編就揀咗玩 Art Jamming,每房客人會獨霸一間客房玩,感覺自在舒適,可以慢慢按自己節奏去畫畫,不過就冇導師在場指導,完全自由發揮。而早餐亦相當豐富,既有中式炒麵、點心等,亦有西式薯餅、Pancake 等可以揀,仲有即叫即製的雞蛋料理及麵檔。

雖然今次 Package 冇包晚餐,但每人加 HK$640 起就可於天台酒吧及餐廳 SKYE 享用 4 道菜晚餐(餐牌按此),份量好夠飽,而且餐廳同樣有部份位置可以面對住海景坐,氣氛好有情調。服務方面亦都好細心,每碟上菜時,隻碟仲會熱熱地,Keep 住為菜式保溫,好細心!

▼小編體驗的最新裝修尊貴行政客房(維港景觀)位於 22 樓,望出去都有大半海景睇。

▼浴缸位置被落地玻璃包圍,可以望住海景浸浴!想有返啲私隱嘅話,都可以落簾遮住。

▼想淋浴嘅話,浴缸隔離都有天花板式頭頂花灑

▼提供 C. O. Bigelow 沐浴用品

▼而洗手間係乾濕分離設計,而且廁所同沖涼位分開兩邊,兩個人一齊用都唔使爭位

▼有需要的話,酒店都可以安排房間佈置㗎!(視乎情況而定)

▼今次優惠有送 ORIGINS 面膜套裝、健康排毒鮮美肌果汁同鮮果盤,仲有跟兩個蜜糖可以配水果食。面膜方面,小編就揀咗「排毒 & 滋養」套裝,分別有黑鑽潔淨面膜及黑金蜜糖面膜,兩個都貨 Size 嚟㗎!

▼房內有提供 Nespresso 膠囊咖啡機、Kenwood 電熱水壺及兩瓶水

▼另外亦有茶包、咖啡糖等提供

▼位於 26 樓的 Lounge 一樣有海景睇!部份座位更直接面對住海景,好 Chill~建議大家想霸定靚位就要準時去啦!

▼下午 2:30 至 5:30 期間,Lounge 會提供每位一份下午小點及飲品,而小編體驗當日就有咖哩角、英式鬆餅及迷你葡撻,每樣各兩件,可無限添加!

▼飲品餐牌

▼而下午 6:00 至 8:00 期間,就是 Lounge 的雞尾酒時段,同樣每位有提供一份小食及飲品,體驗當日就有醃黃鰭吞拿魚、脆薯仔、雜菜雲吞、蘋果金寶撻及芒果熱情果慕絲各一件,可無限添加!

▼飲品餐牌

▼另外,以上兩個時段 Lounge 都有提供自助啤酒、汽水同果汁

▼至於酒店體驗班方面,小編就試咗即興繪畫班(Art Jamming),問過酒店,一般人少的話,住客都會於 26 樓的 Lounge 外玩 Art Jamming

▼而人比較多的時候,就會安排於客房內玩 Art Jamming,小編體驗當日亦都係安排於房內玩,每房會提供一個畫板、兩個膠圍裙、兩個濕紙巾及各式畫具,供兩位房客一同繪出一幅畫作。而小編個人就覺得於客房玩感覺更加自在,而且有電視及私人廁所可以用。

▼走廊位置有提供 6 款顏料、濕紙巾及紙巾可以自取。其顏色選擇唔算多,有好多色都需要自己調,對於色感比較差的人來說可能會有啲難度。

▼整個繪畫過程不會有導師指導,完全自由發揮,時長兩個半小時,建議大家畫簡單啲時間會比較充裕

▼雖然今次 Package 冇包晚餐,但每人加 HK$640 起可於天台酒吧及餐廳 SKYE 享用 4 道菜晚餐(餐牌按此)!首先會上 3 款餐包,其中最推芝士包,好香口,而且外脆內軟。

▼前菜有法國吉拉多生蠔配氈酒沙冰及青瓜爆珠,味道好 fresh、好開胃!值得一提的是,上面嘅食用花都是由酒店自家種植,除此之外,仲有部份餐廳用到的蔬果同香料都係酒店種植的有機食品。

▼普羅旺斯露筍配黑椒薯仔脆粒、巴馬臣芝士、溫泉蛋醬汁及香草沙律,食落芝士味好香,但又唔會太漏

▼主菜就有炸三文魚柳配芝士意式雲吞,以及 200 日穀飼牛柳兩款可以揀。首先三文魚柳炸得好香,魚皮超脆,而魚肉又唔會乾身。

▼另外小編叫咗七成熟嘅牛柳,可以見到肉仲係粉紅色,唔會過熟,食落仲好嫩,牛味都非常濃!而且仲有 5 款醬可以揀。

▼最後甜品就有 34% ANEO 白朱古力及法國魚籽醬千層酥,入面加咗糖漬檸檬粉,味道好清甜

▼食完晚餐都好建議大家去埋戶外酒吧坐低飲杯野,同樣可以望到海景

▼早餐會於 PLAYT 享用,有中、西式美食可以揀,包括薯餅、Pancake、沙律、水果、點心及各式麵包等等


▼有即叫即製的煎蛋、奄列同炒蛋

▼另外亦有即叫即製嘅麵檔,仲要用瑤柱上湯底㗎!

房價包括:

  • 一晚住宿 (自選房型)
  • 預訂 PULLMAN x ORIGINS 住宿優惠,即享 ORIGINS 皇牌 Multi-Masking 面膜
    套裝一份 (4 選 1)
    1/ 排毒 & 滋養 Detox & Nourish – 黑鑽潔淨面膜 + 黑金蜜糖面膜
    2/ 舒緩 & 保濕 Soothe & Hydrate – #DrinkUp 保濕面膜 + 靈芝面膜
    3/ 潔淨 & 保濕 Purify & Moisturize – 黑鑽潔淨面膜 + DrinkUp 水潤睡眠面膜
    4/ 柔滑 & 光澤 Smooth & Glow – 粉紅嫩肌面膜 + DrinkUp 保濕面膜
  • 行政尊尚禮遇和服務, 包括:
    -免費早餐
    -免費提供下午小點
    -免費提供雞尾酒和開胃小菜
  • 免費參加酒店體驗班一個*,包括:
    -即興繪畫班
    -瑜伽班
    -健身班
    -攝影班
    -塔羅占卜體驗班
  • 健康排毒鮮美肌果汁及鮮果盤
  • 免費使用酒店健身中心及設施
  • 以半價優惠參加指定額外興趣班
  • 第二晚住宿可享半價優惠 (只適用於房價,詳情請聯絡訂房部)

Pullman 品牌柏寧酒店
地址:銅鑼灣告士打道310號

查詢及預訂可致電柏寧酒店,電話 2839 3366 或電郵至 reservations@parklane.com.hk

────── 相關文章 ──────

【馬哥孛羅香港酒店快閃優惠】二人房價 $1,208 包自助早餐及和風下午茶,送 HABA 套裝及護膚體驗!每日首 30 間預訂升級海景房!

【朗廷酒店「零」房價限時優惠】可用消費券付款!二人房價 $1,200 起入住高級客房回贈$1,200 消費額,適用於餐廳、水療、遊戲房等等!



香港旅遊優惠情報TG Group

[hkDate] - 免費香港交友APP - 認真交友,尋找穩定關係及結婚對象   IOS下載    Android下載

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載