[香港旅遊優惠]韓國仁川機場交通攻略｜首爾自由行必睇！韓國仁川機場出首爾市區交通整合｜機場鐵路AREX、機場巴士及私人包車/的士詳情｜

大家對上一次去韓國旅行係幾時？可能係疫情前或者從來都無去過？Plan咗準備去韓國旅行嘅你，仲記唔記得點樣搭車往返仁川機場？唔記得唔緊要，小編就幫大家整合左往來仁川機場嘅交通攻略，幫大家重溫一下！包括機場鐵路AREX、機場巴士及私人包車， 去之前就記得做定功課啦！提提大家，出發之前最緊要記得整K-ETA啊！

相關優惠：【韓國櫻花】最新2023韓國各地櫻花預測，最快3月20日開始有得睇！5大熱門賞櫻地點推介！

韓國仁川機場交通攻略｜機場鐵路AREX、機場巴士及私人包車/的士詳情｜

往返仁川機場交通主要有三種方法， 包括機場鐵路AREX、 巴士同私人包車/的士，小編推介大家選擇機場鐵路 AREX， 因為首爾市內交通係繁忙時間非常擠塞， 搭機場快綫時間比較短，又可以避開塞車， 大家安排時間就可以靈活一點。

機場快線AREX

機場鐵路AREX 提供兩款列車服務，由首爾市區往來仁川機場。營運時間由早上05:20至晚上12:00。從入境大廳跟著指示行到1樓交通中心，可以買飛上車或換領車票。直達列車係橙色月台，而普通列車伋藍色月台，兩邊月台並不相通的，記得睇清楚！

• 直達車：中間不停站，直達終點首爾站，車程大約43至51分鐘左右；每40分鐘左右就有一班車，直達車實行對號入座制度，買飛時可以劃定位，而且座位比較舒適，列車內有洗手間、免費飲用水及Wi-Fi，非常方便。
  價格：成人9,500韓元
  乘車券購票處：仁川國際機場1樓鐵路服務中心45號窗口
• 普通車：每站都停靠，仁川機場與首爾之間約11個站，車程大約時間59至66分鐘左右。每10分鐘左右就有一班車。雖然中途站比直達車多，但對於酒庄係弘大嘅朋友就相對方便。列車實行自由入座制度，舒適度不及直達車， 但勝在價錢相對便宜，係經濟之選。
  價格：成人4,150-4,750韓元，可以T-Money 交通卡付款

經KKday 預訂

經Klook 預訂

▼ 機場鐵路AREX 直達車

▼ 機場鐵路AREX普通車

▼ 機場鐵路AREX 路線圖

相關優惠：韓國開關｜最新入境措施！3月11日起，港澳旅客無需入境前提交PCR陰性報告！不再限制於仁川機場入境韓國｜72小時前一定要先做K-ETA！

仁川機場巴士

仁川機場巴士路線非常之多，適合酒店係明洞及東大門等市區嘅朋友，唔洗拖住行李上落地鐵站。營運時間大約由早上5:30至23:00。不過相對機場鐵路比較貴，每人只可以帶一大一小件行李(多過一件會收額外費用) 。車程時間相對耐，撞正繁忙時間塞車就更加耐！小編揀咗幾架最多人搭嘅巴士編號俾大家參考。

Airport Limousine

• 6001 (仁川機場 明洞、東大門)
  價錢：成人17,000韓元，機場到明洞約65分鐘，東大門80分鐘
• 6002 (仁川機場 弘大、東大門)
  價錢：成人17,000韓元，機場到弘大約55分鐘，東大門80分鐘
• 6015 (仁川機場 明洞)
  價錢：17,000韓元，機場到明洞約70分鐘

K-Limousine

• 6701 (仁川機場 明洞)
  價錢：成人18,000韓元，到明洞約80分鐘
• 6702 (仁川機場 首爾站、東大門)
  價錢：成人18,000韓元，到首爾站約85分鐘、東大門95分鐘

經KKday預訂

經Klook預訂

▼ Airport Limousine

▼ K-Limousine

私人包車/的士

如果同行人數比較多，又想玩到最後一刻先去機場，包車同的士的確係好選擇。不過韓國的士有好多唔同種類同收費，包車相對比較好，而且不會有語言不通問題。想坐得舒服啲，仲可以選擇唔同車種！

私人包車

私人包車最優勝之處一定係舒適度同時間較彈性，一般私人包車由港幣$ 500-$ 700左右，如果人數多的話，仲可以選擇旅遊巴添！如果你嘅航班為深夜至凌晨都只係加少少錢，一早預訂包車，落機就可以輕輕鬆鬆到達酒店或民宿！

經Klook預訂

經KKday預訂

▼ 韓國私人包車

韓國的士詳情

▼韓國 普通的士

▼韓國 International Taxi

▼韓國 模範的士

▼韓國 Jumbo Taxi

首爾除左去shopping之外，仲有其他地方去玩，即睇小編推介啦！

▼ 遠眺首爾南山塔！兩間至CHILL天台酒吧？

▼一秒變學生！兩間韓國大熱校服租借店

The post 韓國仁川機場交通攻略｜首爾自由行必睇！韓國仁川機場出首爾市區交通整合｜機場鐵路AREX、機場巴士及私人包車/的士詳情｜ appeared first on Flyday.hk.