關西有唔少新酒店開幕，Plan緊返家鄉嘅你，不如睇下小編為你推介嘅關西新酒店啊！今次推介嘅酒店包括：奈良酒酒井豪華精選酒店、OMO關西機場by星野集團、大阪W酒店、環球影城東方酒店、難波船舶旅館、大阪樂本酒店同京都東山希爾頓逸林酒店等。大家亦可以睇埋大阪最新旅遊資訊及景點、關西機場來往大阪市區交通攻略！
相關優惠：關西機場 – 大阪京都交通攻略｜關西機場出市區交通方法大整合！HARUKA 關空特急/利木津機場巴士/南海電鐵Rapi:t介紹！
【奈良新酒店】
奈良紫翠豪華精選酒店 Shisui, a Luxury Collection Hotel, Nara
萬豪酒店集團旗下頂級酒店品牌「The Luxury Collection」第五間日本分店今年8月開幕，今次選址關西必到景點奈良，亦係奈良首間，名為奈良紫翠豪華精選酒店 ，更加係日本地產巨頭森TRUST旗下品牌酒店「翠SUI」新分店，係日本非常少見嘅和洋雙品牌酒店。酒店位於奈良公園內，提供43間客房，當中23間設有私人溫泉及露天溫泉。
經Agoda預訂
▼ 奈良紫翠豪華精選酒店
酒店由日本建築大師隈研吾設計，以「奈良文化歷史、自然及文化的和諧」為主題，佔地9,000 坪。隈研吾為咗唔破壞原有嘅公園生態環境，將客房及其他設施分為8楝建築，令客人可以係建築與建築之間漫遊，同時可以欣賞自然環境。酒店主樓為大正時代保存落嚟嘅「奈良縣知事公舍」改建而成，設有庭園京餐廳及壽司吧。
▼ 酒店餐廳「翠葉」
43間酒店客房都配備大型落地玻璃，採光度十足，仲可以望到古色古香嘅園景，隈研吾以現代設計風格融合奈良傳統編織工藝設計，以木系傢具配上綠色編纖地氈，令客人仿似置身大自然當中。
▼ 客房
▼部分客房更設有私人溫泉
奈良紫翠豪華精選酒店 Shisui, a Luxury Collection Hotel, Nara
- 地址： 奈良県奈良市登大路町62番地 (地圖)
- 奈良紫翠豪華精選酒店官網
【大阪新酒店】
OMO關西機場by星野集團
OMO關西機場by星野集團喺2023年3月20日開幕，夠晒新！作為星野集團旗下首間機場酒店，OMO關西機場by星野集團距離關西機場只相隔一個站，距離臨空城站只有1分鐘步程，無論係搭完凌晨機想休息下，定下返香港前去一轉臨空城Outlet shopping都夠晒方便！
經Agoda預訂
▼OMO關西機場by星野集團樓高22層，提供700間客房
▼酒店大堂
▼酒店大堂
▼雙床房為最基本房型，每間約194呎，設有沐浴間及獨立洗手盆
▼日式西式房間融合西式、和風，設有洋式大床，另一邊則是榻榻米
▼酒店設有公共浴池供客人使用
▼酒店餐廳OMO Dining位於21樓，可一邊眺望大阪灣景色一邊享自助餐
▼酒店周邊景點
OMO關西機場by星野集團
- 酒店地址：大阪府泉佐野市臨空往來北1-833 598-0048 (地圖)
- OMO關西機場by星野集團酒店網站
相關優惠：日本櫻花情報2023｜日本各地開花日預測時間表｜全日本16個賞櫻地點推介！NAKED櫻花新宿御苑光雕
大阪W酒店
2021年3月開幕，日本首間W酒店，酒店由日本著名建築師安藤忠雄設計，Fans一定入去住下！W OSAKA位於心齋橋，交通便利同週邊配套都極之方便。安藤忠雄以「大阪商人的玩心」作主題，非常之配合心齋橋同W酒店嘅活力形象！
經Expedia 預訂
經Agoda預訂
經Klook預訂
▼大樓以黑色礦石結晶般設計，於大阪市內建築群內顯得特別鮮明
▼室內裝潢由荷蘭建築事務所Concrete Architectural Associates，以大阪街道特色的霓虹燈管做設計意念
▼W OSAKA共有337間客房，套房以鮮明色彩作為主色調
▼除左客房外，遊泳池及健身室都以鮮明顏色作主調
大阪W酒店
- 酒店地址：4-1-3 Minami Semba, Chuo-ku , 心齋橋 (地圖)
- 大阪W酒店網站
相關優惠：【持續更新】日本環球影城2023年活動整合｜「蜘蛛俠驚魂歷險記」即將退役、《SPYxFAMILY》、《名偵探柯南》合作確定、3月至7月復活節慶典活動
環球影城東方酒店
2021年12月開幕嘅環球影城東方酒店，以「讓人聯想到大自然的一家寧靜而放鬆的酒店」為主題，啱哂去完環球影城玩嘅一家大細去住返晚！
經Expedia 預訂
經Agoda預訂
經Klook預訂
▼房間以大地色為底色的沉穩設計，客房使用舒適的席夢思床墊，客房類型有雙人房、雙床房（最多容納4人）、三床房（最多容納6人）、雙床房連通房（最多容納8人）等類型
▼餐廳「GREEN WALL DINING」以「和早餐時光一起感受自然恩惠，補充一整天的活力。」，提供豐富自助早餐，價錢為：成人 2, 970日元（含稅）/小學生：1, 500日元（含稅）/6~4歲 1, 000日元（含稅）/3歲以下：免費
▼有租車自駕遊嘅朋友，更加可以利用酒店嘅停車場 (24小時，連税 3,000日圓)
▼酒店距離環球影城只有一分鐘，入住酒店更可以於酒店內購買日本環球影城的快速通行券，無需在售票處兌換。
環球影城東方酒店
- 酒店地址：灣區此花区島屋６丁目2-78 (地圖)
- 環球影城東方酒店
相關優惠：【持續更新】日本京都2023旅遊資訊｜自由行必睇｜兔年必去兔仔神社、京都車站KYOTO TOWER SANDO重開、巴士一日周遊券9月起停售
難波船舶旅館
2022年3月開幕，鄰近道頓堀，方便大家去掃貨啊！每晚房價都係$ 530起，性價比甚高！
經Expedia 預訂
經Agoda預訂
經Klook 預訂
▼酒店設計以工業風為主，以黑色線條配上實木色傢俬。
▼酒店餐廳由6:00am開始供應點餐，方便早出門嘅你
- 酒店地址：難波中央区道頓堀2-2-18 (地圖)
- 難波船舶旅館網站
相關優惠：日本東京新酒店推介｜羽田機場、反斗奇兵新主題酒店、澀谷型格新酒店及國際品牌酒店｜附詳細介紹及預訂網址
大阪樂本酒店
2022年3月開幕，酒店經營公司原本係住宅公寓發展商，樂本酒店係集團第一間品牌酒店。酒店為於心齋橋，距離心齋橋駅約8分鐘路程，酒店以素色為主調，而室內以實木紋理設計，有一種家嘅感覺。房內更加提供雪肌精系列產品，女士們實喜歡！
經Expedia 預訂
經Agoda預訂
經Klook 預訂
▼酒店提供多個房種，適合單人、情侶及家庭住客，價錢由$ 600起
▼酒店希望帶俾客人日式家居的舒適感，每間客房大細都超過30平方米，床褥更加係選用席夢思
▼每間房都設有大浴缸，晚晚都五以浸返個泡泡浴啦！
大阪樂本酒店
- 酒店地址：2-2-15 Minamisenba, Chuo-ku, 心齋橋 (地圖)
- 大阪樂本酒店網站
【京都新酒店】
京都東山希爾頓逸林酒店
京都東山希爾頓逸林酒店將於2023年8月8日開業，位於京都市東山區五條大橋對面，只需步行15分鐘即可到達清水寺和涉成園，距離京阪電車「清水五條」站只需步行1分鐘，距離地鐵烏丸線「五條站」亦只需步行15分鐘。酒店擁有158間客房，融入現代日式設計風格，以木色為主調，有兩間連獨立桑拿浴室套房及榻榻米客房。另設有大浴場，住客可於京都遊覽後，泡在大浴池裡，治癒一天的疲憊。
經Agoda預訂
▼King Deluxe Tatami房型
▼酒店設有大浴場，為客人放鬆並減緩旅行帶來的疲勞。於京都散策後，泡在大浴池裡，治癒一天的疲憊。
▼京都東山希爾頓逸林酒店
京都東山希爾頓逸林酒店
- 地址：日本京都市東山區本町一丁目 45 番地 (由京阪電車「清水五條」站步行 1 分鐘即達)
- 京都東山希爾頓逸林酒店官網
ASAI京都四條酒店、京都都喜天麗酒店
京都2023年將會有兩間新酒店開幕，仲要係來自泰國嘅酒店品牌！泰國逾半世紀嘅酒店品牌「都喜國際」即將進軍日本，兩間位於京都嘅酒店係「ASAI京都四條酒店」、「京都都喜天麗酒店」，分別會喺23年6月及9月落成。兩間酒店都將揉合日式傳統文化及泰國風情，除咗喺餐廳菜式加入泰國元素外，仲可以享受融合古法泰式按摩及日本傳統嘅創新療法，夠晒特別！
經Agoda預訂
▼京都都喜天麗酒店外觀
▼京都都喜天麗酒店餐廳
▼京都都喜天麗酒店房間
▼京都都喜天麗酒店外觀
▼京都都喜天麗酒店大堂
▼京都都喜天麗酒店房間
ASAI京都四條酒店
- 地址：444 Syunzeicho, Shimogyo Ward, Kyoto, 600-8417日本
- ASAI京都四條酒店官網
相關優惠：東京迪士尼樂園/海洋2023活動整合｜持續更新｜Tangled、Frozen新園區24年開幕全新Priority Pass、10月起門票加價
▼大阪最新大型商場
三井LaLaport堺｜Food Court先係本體
｜必食漢堡扒、大阪築地海寶飯、Antiqulture古著店、Onelove寵物用品店
The post 關西新酒店推介｜日本首間W酒店！環球影城全新官方酒店｜大阪、奈良、京都新酒店 appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
