[香港旅遊優惠]關西攻略｜關西親子景點推介！大阪人氣遊樂園、神戶必去牧場及動物園、奈良秘景！

臨近暑假，唔少人都會帶埋小朋友一齊去旅行，相隔咁耐無一家大細去旅行，當然要去下日本，返下鄉下！特別係大阪，無論交通、住宿同購物都非常方便！除咗環球影城可以同小朋友一齊去玩之外，大阪/關西地區仲有咩親子景點？小編就為大家推介幾個啱哂一家大細去玩嘅點啦！

關西攻略｜人氣親子景點推介！

大阪/關西地區除咗環球影城可以同小朋友一齊去玩之外，仲有咩親子景點？小編就為大家推介幾個啱哂一家大細去玩嘅點啦！

交通編

去得大阪，點會只係留係大阪市內咁浪費，當然要玩埋京都、奈良、神戶同和歌山等地方！所以買定關西地區鐵路周遊券，就可以用最抵嘅車費，玩轉所有景點，仲可以用嚟坐HARUKA號機場快線！

• 價錢：成人：$ 135，小童$ 68 (一日券)
• 使用期限：兌換時需指定預計使用日期（為兌換時起算 30 天內的日期），開始使用的當日開始算連續使用 1 / 2 / 3 / 4 天
• 可利用以下列車。
  ‐ 關西機場特快HARUKA號的普通車廂指定座席
  ‐ JR西日本在來線的新快車（新快速）、快車（快速）、當地列車（普通列車）
• 無法搭乘以下列車：
  – 關西機場特快HARUKA號以外的超特急列車（特急）普通車廂指定座席和非指定座席
  – 收費座位服務：新快速「A座」
  – 新幹線

經KKday 預訂

經Klook 預訂

▼關西地區鐵路周遊券可使用區域

大阪枚方公園

大阪枚方公園係唔少本地家庭週末時會去嘅地方，園區有超過40種遊樂設施，而且有唔少設施係專為小朋友而設，例如摩天輪「天空行者」、木製雲霄飛車「ELF」等。至於大朋友可以玩激流勇進「PACHANGA」、跳樓機「METEO」或尖叫瀑布「BASSH」等刺激設施。

大阪枚方公園票價：

• 入場券：成人1,800日圓，小童1,000日圓，2歲或以下幼童1,000日圓
• 入場券+任玩設施：成人4,800日圓，小童4,000日圓，2歲或以下幼童2,800日圓

▼ 大阪枚方公園

▼ 大阪枚方公園 園區地圖

大阪枚方公園

• 地址：〒554-0031 大阪府大阪市此花區櫻島2-1-33 (地圖)
• 交通：搭乘京阪電車，在『枚方公園』站下車
• 營業時間：10:00 – 17:00
• 大阪枚方公園官網

京都水族館

相信無小朋友化唔鍾意去水族館，除咗大阪必去嘅海遊館之外，係京都梅小路公園內嘅京都水族館都好值得一去！水族館雖然面積唔算好大，不過海洋生物種類非常之外，仲有海豚表演、企鵝同世界最大兩棲動物之一「日本大山椒魚」。去完水族館之後仲可以去埋隔離嘅京都鐵道博物館玩下！

京都水族館票價：

• 入場券：成人2,400日圓，小童1,200日圓，3歲或以上幼童800日圓

▼ 京都水族館

▼京都水族館 海豚表演

京都水族館

• 地址：京都府京都市下京区観喜寺町35-1(地圖)
• 交通：從JR「梅小路京都西站」徒步約7分鐘
  從JR「京都站」徒步約15分鐘
• 營業時間：10:00 – 18:00
• 京都水族館官網

神戶六甲山牧場

在位於神戶六甲山上嘅六甲山牧場，呢到可以同小朋友近距離接觸牧場內嘅綿羊仔、山羊、小乳牛、兔仔等動物，仲可以買飼料餵佢地添！牧場另一個賣點，就係入面嘅餐廳，大家可以品嚐到日本國產黑毛和牛、新鮮牛奶製成起司、雪糕等美食，真係大人細路都啱玩！

六甲山牧場票價：

• 入場券：成人2,400日圓，小童1,200日圓，3歲或以上幼童800日圓

▼六甲山牧場

▼ 六甲山牧場 地圖

▼ 六甲山牧場 綿羊

▼ 六甲山牧場 芝士

神戶六甲山牧場

• 地址：兵庫県神戸市灘区六甲山町中一里山1-1(地圖)
• 交通：從六甲纜車「山上站」搭乘六甲摩耶空中快線巴士，於「六甲山牧場」站牌下車
• 營業時間：09:00 – 17:00 (逢星期二公休)
• 六甲山牧場官網

神戶動物王國

如果小朋友鍾意近距離接觸小動物，可以去神戶動物王國。呢到大部分動物都係放養，大家可以零距離接觸水豚同袋鼠等可愛動物，仲可以親手餵海豹同草泥馬等動物！

神戶動物王國票價：

• 入場券：成人2,200日圓，兒童(6-12歲) 1,200日圓，幼童(4-5歲) 500日圓

經klook 預訂

▼神戶動物王國

▼ 神戶動物王國 地圖

▼ 神戶動物王國 水豚

神戶動物王國

• 地址：兵庫県神戸市中央区港島南町7-1-9(地圖)
• 交通：神戶新交通 「計算科學中心站」徒步約1分鐘
• 營業時間：10:00 – 17:00
• 神戶動物王國官網

奈良若草山

東大寺同春日大社太多人，帶住小朋友唔方便？可以去奈良公園附近嘅若草山行下，登山步道可以上山，走到最高的若草山觀景台，單程40分鐘左右，而且唔難行，同家樂徑無咩分別。沿途嘅風景非常之靚，仲有好多鹿仔係到食草。若草山山頂展望台更加可以遠眺成個奈良，景觀超級靚！週未仲可以坐「ぐるっとバス」觀光巴士 上山添！

奈良若草山票價：

• 登山券：成人/小童150日圓，幼童80日圓

▼ 若草山

▼若草山

奈良若草山

• 地址：奈良縣奈良市春日野町若草157(地圖)
• 交通：鐵奈良線近鐵奈良站搭乘奈良交通市內循環巴士（外循環線），4分鐘後在大佛殿春日大社前站下車，步行15分鐘
• 營業時間：09:00 – 17:00 (3月至12月為開山期)

The post 關西攻略｜關西親子景點推介！大阪人氣遊樂園、神戶必去牧場及動物園、奈良秘景！ appeared first on Flyday.hk.