4月去日本，相信好多人第一時間都會諗到睇櫻花。其實除咗櫻花之外，立山黑部嘅巨型雪壁都好值得大家到訪！立山黑部今年將於4月15日至11月30日開山，如果想欣賞大雪牆「雪之大谷」，就要把握4月至6月嘅黃金時間！如果錯過咗就要等到下年架啦，有興趣前往記得儘早計畫行程。小編為大家整理立山黑部嘅最新消息、交通，記住睇埋落去！
相關優惠：【日本櫻花情報2023】3月1日更新！最新日本各地開花日預測時間表！東京3月18日、大阪3月23日！全日本16個賞櫻地點推介！
【立山黑部介紹——「日本阿爾卑斯山」】
立山黑部橫跨富山縣、長野縣，以雪之大谷、黑部水庫聞名，有「日本阿爾卑斯山」之稱，係超人氣嘅日本自然景點。立山連峰貫穿海拔3,000公尺，經彌陀之原、室堂、黑部峽谷與水壩，總長約37.2公里。黑部立山同時係全世界少數嘅豪雪地區，積雪量平均約有7公尺高，最高時足足有20公尺。當到達黑部立山嘅最高點「室堂」，更加可以親眼目睹高達500公尺嘅雪壁，非常震撼！因此立山黑部亦係唔少人心目中一生必定要到訪一次嘅景點！
▼立山黑部
立山黑部今年將於4月15日至11月30日期間開山，屆時將開放立山黑部阿爾卑斯山脈路線 (Alpen Route)。如果想欣賞大雪牆「雪之大谷」，就要把握4月至6月嘅黃金時間，因為越接近夏天，雪牆就會逐漸融化！立山黑部四季景點截然不同、各有特色，如果無法喺4月至6月前往都唔緊要！
- 雪壁期 (4月～6月)：高大雪壁壯觀景象
- 大壩觀光洩洪 (6月～10月)：立山黑部最適合登山嘅季節，周圍佈滿綠油油嘅高山植物，仲有可能睇到日本羚羊
- 賞楓期 (9月～11月上旬)：進入秋天後綠色嘅山野會轉入楓葉期，山頭會出現橙、紅、黃等不同顏色嘅楓葉
- 封山期 (11月～4月)：不得入山
▼雪壁期
▼立山黑部夏季景色
▼立山黑部楓葉期
相關優惠：東京哈利波特影城6月16日開幕｜一文睇晒園區賣點、門票價錢、購票懶人包｜Warner Bros. Studio Tour Tokyo
【立山黑部一帶景點】
雪之大谷
立山黑部阿爾卑斯山脈路線每年10月後都會被冰雪覆蓋，並展開長達半年嘅封山期。一直到翌年4月初，先會清除道路上嘅積雪，開闢出一條長長車道，兩旁嘅大雪牆壁區間就係雪之大谷。雪之大谷接近20公尺高，非常壯觀！
▼雪之大谷
黑部水壩
黑部水壩係立山黑部其中一個最受歡迎嘅景點。黑部水壩歷時7年建成，係日本最大拱形結構式水庫，號稱日本歷史上最偉大嘅工程之一。黑部水庫最高處為186米，至今仍保持著日本水庫嘅最高記錄。遊客可以踏上220層階梯上嘅展望台，近距離觀賞泄洪，相當震撼！
▼黑部水壩
御庫裏池
室堂平位於立山制高點，有著豐富嘅觀光景點，其中一個就係御庫裏池。御庫裏池位於室堂散步路線上，藍色清澈嘅湖面倒映出群山嘅壯麗景致。喺6月結束前，御庫裏池會被雪覆蓋，但係喺7月至10月就能夠喺湖面上欣賞到立山倒映嘅美景。
▼御庫裏池
稱名瀑布
稱名瀑布號稱日本第一大瀑布，落差高達350米，被選為「日本瀑布百選」以及「日本音風景百選」。稱名瀑布於每年5月至11月上旬開放，喺6月更可以見到稱名瀑布旁出現「HANNOKI瀑布」一同流洩嘅珍貴畫面！
▼稱名瀑布
相關優惠：【慳錢攻略】去日本Shopping必睇！2023日本各大商戶優惠券整合｜松本清、BicCamera、Joshin上新電器、Edion愛電王、Sofmap、KOJIMA、PAPASU、青山洋服
【立山黑部交通——如何前往】
想前往立山黑部，可以喺阿爾卑斯山脈路線兩端嘅其中一邊入山。路線兩端分別係長野縣善澤、富山縣立山車站，兩者同樣可以抵達立山黑部。一般黎講，如果從東京出發會從長野縣善澤入山；如果從京都、大阪出發，就會從立山站入山；如果從名古屋出發嘅話兩邊距離都可以。
▼阿爾卑斯山脈路線圖
各地前往方法：
- 由東京出發：可乘搭北陸新幹線到長野車站，再於長野車站轉乘特急巴士至立山黑部東側入口嘅扇澤站
- 由大阪出發，先乘搭JR雷鳥號至金澤站，再於金澤站轉乘北陸新幹線至富山車站，再轉乘富山地方鐵道立山線至立山黑部西側入口嘅立山車站
- 由名古屋出發，可乘搭JR飛驒號至富山站，再轉搭富山地方鐵道到立山車站。
如果覺得要自己周圍轉車太麻煩，可以參加由KKday、Klook舉辦嘅立山黑部行程，無論由東京、大阪、名古屋出發嘅都有，亦有唔同景點路線可以選擇，仲會有導遊隨團講解！
經KKday預訂東京出發
經KKday預訂大阪出發
經KKday預訂名古屋出發
經Klook預訂東京出發
經Klook預訂大阪出發
經Klook預訂名古屋出發
相關優惠：【持續更新】日本東京2023旅遊資訊及最新景點｜自由行必睇食、買、玩、交通攻略｜東京哈利波特影城、羽田機場新設施HANEDA AIRPORT GARDEN、必去SHIBUYA SKY
▼真係好靚啊～每一個角落都靚到叫出嚟，怪不得上高地被稱「神之故鄉」！今集有風信子帶大家去長野縣嘅上高地，見証每年得短短幾星期可以睇到嘅金黃色落葉松樹林風景～雖然今年已經過咗，但出年真係唔可以錯過啊！
▼2月份嘅北海道札幌機場，見到唔少港人拎住心愛嘅滑雪板。主打一價全包既 Club Med Tomamu 距離札幌機場約3小時，機場每小時都有巴士直達酒店。Resort以多元化活動和特大面積作賣點，適合一家大小入住！
The post 立山黑部2023攻略｜4月15日開山！一文睇晒東京、大阪、名古屋出發交通｜必去景點雪之大谷、黑部水壩、御庫裏池、稱名瀑布懶人包 appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
