哈利波特fans有福了！近日東京哈利波特影城舉行發佈會，宣布影城將於2023年6月16日正式開幕，並同時公布門票票價、開賣日期。作為亞洲首座哈利波特影城，以後fans唔使去到倫敦咁遠，去日本都可以朝聖！小編為大家整理東京哈利波特影城嘅賣點、售票日期以及購票方法，想去嘅話記住睇埋落去！仲可以留意埋東京旅遊資訊，睇下東京有咩其他新景點！
相關優惠：【東京成田機場交通攻略】東京自由行必睇！2022成田機場出市區交通方法整合！N’EX成田特快、京成電鐵Skyliner、利木津機場巴士介紹！
【影城介紹——超多打卡位！】
東京哈利波特影城位於練馬區，鄰近「豐島園站」，係繼Harry Potter Studio London後全球第二座哈利波特影城。影城選址於2020年結業嘅東京遊樂園「豐島園」，佔地近9萬平方公尺，預計遊覽晒成個園區需要約4小時。園區被劃分為14個購物及餐飲主題區域，更設有全球最大嘅哈利波特專門店。
▼東京哈利波特影城
影城內將會展示大量電影場景、戲服、道具，將哈利波特嘅魔法世界還原，包括最具標誌性以及代表性嘅「九又四分之三月台」的主場景，配合現場影音效果，就好似置身電影世界一樣，相信fans一定有排打卡！園區內仲會有互動設施，俾遊客體驗魔法之旅。
▼九又四分之三月台
▼斜角巷
▼學院餐廳
▼騎士公車
▼互動設施
同Harry Potter Studio London一樣，東京哈利波特影城著重於還原魔法世界，以呈現電影片場、製作道具及服裝為主，因此同一般嘅主題樂園有所不同。如果想玩機動遊戲或追求刺激體驗，可能日本環球影城會比較合適。
▼電影戲服
▼道具魔杖
▼電影道具
▼霍格華茲模型
相關優惠：【持續更新】日本環球影城2023年活動整合｜UNIVERSAL COOL JAPAN 2023——《SPYxFAMILY》、《名偵探柯南》合作確定！3月至7月復活節慶典活動
另外，東京哈利波特影城周邊嘅「池袋站」及「豐島園站」，將分別仿照「倫敦國王十字車站」及「活米村」為主題進行翻新，到時候周圍都充滿魔法氣氛！
▼池袋站
▼豐島園站
相關優惠：【東京迪士尼樂園/海洋】2023活動整合｜持續更新｜全新夜間匯演、40週年主題活動/酒店主題房間、幽靈公館期間限定活動、一年一度米妮日
【購票攻略——3月22日開始賣飛！】
想去東京哈利波特影城朝聖嘅話留意！門票將於2023年3月22日，香港時間下午1點於官方網站開賣，門票價錢如下：
- 18歲以上成人門票：6,300日圓 (約$ 368)
- 12歲至17歲青少年：5,200日圓 (約$ 306)
- 4歲至11歲小童：3,800日圓 (約$ 224)
- 4歲以下：免費
官網預訂
▼東京哈利波特影城門票
東京哈利波特影城
- 地址： 東京都練馬区春日町1-1-7 (地圖)
- 營業時間：尚未公布
- 東京哈利波特影城官方網站
相關優惠：【東京羽田機場交通攻略】東京自由行必睇！2022羽田機場出市區交通方法大整合！單軌列車/京急電鐵/利木津機場巴士介紹！
▼東京羽田機場旁邊嘅「羽田機場花園」(Haneda Airport Garden) 終於喺2023年1月31日開幕！呢度除咗有食店同商店，仲有2間高級酒店、天然溫泉、仲有直通日本各地嘅巴士總站，啱晒上機前最後血拼！
▼2月份嘅北海道札幌機場，見到唔少港人拎住心愛嘅滑雪板。主打一價全包既 Club Med Tomamu 距離札幌機場約3小時，機場每小時都有巴士直達酒店。Resort以多元化活動和特大面積作賣點，適合一家大小入住！
The post 東京哈利波特影城6月16日開幕｜一文睇晒園區賣點、門票價錢、購票懶人包｜Warner Bros. Studio Tour Tokyo appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
