[香港旅遊優惠]斐濟酒店及度假村推介｜海上夢幻草屋別墅、私人小島酒店、兩公里私人沙灘酒店｜斐濟航空香港直飛楠迪

斐濟呢個被喻為世外桃源嘅國家，好適合平時生活節奏咁急促嘅香港人去度假！係呢到你可以感受大自然嘅美、係水質最清徹嘅海上玩各類水上活動或者跟住原住民體驗斐濟傳統習俗。不過大家對享受都咁有要求，一定都會揀高質素嘅酒店或度假村嘆返下！小編就推介幾間斐濟高質酒店同度假村俾大家參考下！

---

斐濟酒店及度假村推介｜海上夢幻草屋別墅、私人小島酒店、兩公里私人沙灘酒店

位於太平洋嘅斐濟因為氣候宜人，人口密度較低而成為熱門嘅度假勝地。由香港出發的話，可以乘搭斐濟航空舒舒服服直飛楠迪，如果想玩埋其他太平洋島國或澳紐地區，都可以經楠迪轉機㗎！斐濟航空不時都會推出香港直航優惠，大家可以留意下！

斐濟航空香港至楠迪航班時間 (9月逢星期一/四/六，10月起逢星期一/四/六/日)

• 去程：FJ392 16:55-07:05+1
• 回程：FJ391 08:20-14:50

斐濟航空優惠｜香港直飛楠迪$ 4,700 起！

今年被航空界奧斯卡之稱 – Skytrax，首次評選為澳洲及太平洋地區最佳航空公司嘅斐濟航空 Fiji Airways，推出限時優惠，直飛楠迪$ 4,700 起(連稅$ 5,543 起)！仲可以經楠迪轉機去其他太平洋島國，例如薩摩亞、東加、萬那杜等！

【優惠日期】9月1至28日
【旅遊日期】9月1至2024年6月30日

經斐濟航空官網預訂

▼ 經我們測試，10月9至16日，斐濟航空直飛楠迪$ 4,700 起 (連稅$ 5,543起)

▼斐濟航空今年更加榮獲澳洲及太平洲地區最佳航空公司

---

歴古歴古礁湖度假村斐濟 (Likuliku Lagoon Resort)

斐濟以水清沙幼聞名，當然要住海上別墅啦！位於Malolo瑪洛洛島中心嘅歴古歴古礁湖度假村斐濟，絕對啱哂你同另一半度過甜蜜假期，度假村名字中嘅Likuliku 係婓濟語有「平靜的水面」嘅意思，而度假村就喺平靜嘅礁湖上興建多間草屋別㙒(Bure)，更加係婓濟唯一一間係海上興建嘅度假屋！有別放馬爾代夫，住客同房間密度相對地低，私隱度更高！度假村係全包式服務，一個價錢包一日三餐同非機動性水上活動，星期五晚仲有斐濟文化體驗活動，欣賞原住民為大家表演傳統舞蹈火把等活動！

▼ 歴古歴古礁湖度假村斐濟

▼ 度假村內最搶手當然係水上草屋别墅，度假村內只有10間水上草屋，一打開門窗就可以見到超廣闊太平洋景觀！

▼ 除咗水上草屋別㙒之外，仲可以選擇係海岸線上嘅草屋別㙒，景觀都一樣唔差，豪華房型仲有私人按摩池添！

▼ 酒店除咗住宿外，仲有多種活動俾客人自費參加，例如SPA、潛水、浮潛及衝浪等。

歴古歴古礁湖度假村斐濟 (Likuliku Lagoon Resort)

• 地址：Malolo Island, Fiji (地圖)
• 歴古歴古礁湖度假村斐濟官網

---

斐濟莫米灣萬豪度假酒店 (Fiji Marriott Resort Momi Bay)

萬豪酒店集團相信都唔洗多介紹，旗下酒店絕對有保證。2017年開幕嘅斐濟莫米灣萬豪度假酒店更加係唔少人心目中嘅bucket list 之一。因為斐濟政府禁止再有海上興建嘅度假酒店，所以酒店選擇興建一個人工瀉湖，並係上面興建水上草屋別墅，減低對環保破壞之餘又可以滿足客人對享受嘅要求！

▼ 斐濟莫米灣萬豪度假酒店

▼ 酒店一共有22間水上草屋別墅及多間客房和套房，每一個房型都非常奢華！

▼ 酒店嘅無邊際泳池可以俾客人欣賞斐濟嘅迷人日落同打下卡

斐濟莫米灣萬豪度假酒店 (Fiji Marriott Resort Momi Bay)

• 地址：Savusavu Road, Momi Bay, Momi (地圖)
• 斐濟莫米灣萬豪度假酒店官網

---

斐濟托闊里奇島喜來登度假酒店及水療中心(Sheraton Resort & Spa, Tokoriki Island, Fiji)

同樣係萬豪酒店集團旗下酒店，斐濟托闊里奇島喜來登度假酒店及水療中心坐落於斐濟外島托闊里奇島，係島上唯一一間五星酒店。酒店遠離一切煩囂，四周被蔚藍嘅海水同珊瑚礁圍繞。如果想靜靜地度下假，呢間酒店絕對係唔錯嘅選擇！酒店提供101間客房及套房，除咗可以同伴侶過二人世界外，亦都提供家庭式客房及兒童俱樂部，啱晒一家大細一齊去玩！

▼斐濟托闊里奇島喜來登度假酒店及水療中心

▼斐濟托闊里奇島喜來登度假酒店及水療中心 客房

▼叫得做五星酒店，當然唔止住宿咁簡單！酒店提供各種動/靜活動俾客人自費參加，去潛下水、玩水上電單車、嘆返個Spa！

斐濟托闊里奇島喜來登度假酒店及水療中心(Sheraton Resort & Spa, Tokoriki Island, Fiji)

• 地址：Tokoriki Island,Mamanuca Islands, Fiji(地圖)
• 斐濟托闊里奇島喜來登度假酒店及水療中心官網

---

索菲特斐濟水療度假村 (Sofitel Fiji Resort & Spa)

雅高集團旗下5星酒店 – 索菲特斐濟水療度假村，位於迪那橈島西側，於2015年完成翻新。度假村提供 298 間豪華客房和套房，每一間都係望海，而每間客房都設有露台，隨時可以欣賞到廣闊嘅太平洋海景。度假村有多項設備包括私人海灘、婚禮小教堂、泳池、3 間餐廳、4 間酒吧及國際健康水療中心。留係酒店一日都唔會覺得悶！

▼索菲特斐濟水療度假村

▼索菲特斐濟水療度假村 泳池

▼ 客房隨處可以見到充滿斐濟色彩嘅圖騰

▼ 每間房都設有小露台，可以同另一半睇下日落同星星。

索菲特斐濟水療度假村 (Sofitel Fiji Resort & Spa)

• 地址：Beachfront, Denarau Island,Fiji(地圖)
• 索菲特斐濟水療度假村官網

---

斐濟海灘希爾頓度假酒店 ()

假如你想搵一間服務有保證，交通方便，地理為置極佳嘅酒店，斐濟海灘希爾頓度假酒店就啱晒你！酒店為位楠迪市區附近，由機場坐車去相當之近，只需大約半個鐘！酒店內更加有斐濟航空check in 櫃台，回程夠晒方便！酒店擁有超過兩公里長私人海灘，佔地面積非常之大，連泳池都有7個！酒店提供298間客房，以公寓式套房為主，房間面積大之餘，仲有洗衣乾衣機、燒烤爐、煮食用具等，非常齊全！

▼ 斐濟海灘希爾頓度假酒店

▼ 酒店泳池

▼ 斐濟海灘希爾頓度假酒店 套房

▼套房設備

 

 

斐濟海灘希爾頓度假酒店 (Hilton Fiji Beach Resort and Spa)

• 地址：Denarau Island, Fiji(地圖)
• 斐濟海灘希爾頓度假酒店官網

The post 斐濟酒店及度假村推介｜海上夢幻草屋別墅、私人小島酒店、兩公里私人沙灘酒店｜斐濟航空香港直飛楠迪 appeared first on Flyday.hk.