[香港旅遊優惠]平飛攻略！開關後日本機票最全面分析！最平$398 單程去到日本！

經過兩年幾嘅疫情，好多野都唔同哂，日本機票價錢係開關後當然貴左好多，同時有啲航空公司都未復飛返香港 (例如Peach/Jetstar等等)，同時間部分航空公司嘅行李政策都改左，買之前記得細心留意啊！

小編搵哂咁多間航空公司現時做緊嘅最平價錢可以供大家參考下！呢個平飛攻略只係分析緊10-12月嘅航班及價錢，如果有心想開關即係衝去日本的話，呢個分析希望幫到你！

因為疫情及開關進度關係，明年的航班schedule及價錢必定會有所更改，若下年出發的話建議可以睇定啲先再決定。

最後更新日期：2022年9月23日

-> HK Express相對疫情前HK Express 確實加價了至少$ 500-$ 1000，但價錢尚算合理。留意行李費現在比以前貴，單程 20KG $ 290，25KG $ 360。

以熱門城市大阪名古屋東京黎講，加埋行李後，都仲比傳統航空公司平一截，而且航班時間全部都係早去午/晚返，夠靚仔。

而其他城市例如廣島, 石垣島, 熊本, 鹿兒島, 長崎, 高松, 宮古島，暫時於10-12月並沒有航班。 (部分城市如熊本出年3月起有航班)

-> ANA 全日空

ANA 成田及羽田航線時間跟以前類似，成田線都係早去晚返，$ 5100 呢個價旺季12月都有，但ANA一大優點係佢包2件23KG 行李，好過國泰好多。

-> 國泰航空

國泰暫時只飛兩個日本航點，但同時透露會增加第三個航點。東京線價錢對比ANA 沒有吸引力，主要係行李方面。現時國泰行李額為1件23KG，ANA 行李額為兩件23KG，而價錢大家都相若，咁你話呢?

大阪線的話，國泰夠多航班，一日最多有3班。

而其他舊有航點例如名古屋, 福岡, 札幌，暫時未有復飛消息。

-> 香港航空

香港航班10月份飛日本線價錢唔錯，飛大阪/東京都只係三千左右，但留意港航最平價錢唔包行李，行李20KG來回收$ 420。

而11-12月五千蚊的價錢並不算吸引，建議選擇ANA或國泰。

而札幌係暫時港航獨家的，國泰都未開返，但盛惠萬三，或者可以考慮係東京/大阪轉機，價錢相宜很多。

-> 日本航空

日航價錢太貴，其實可以忽略。但日航都係包兩件23KG 行李。

總結：

暫時所見，傳統航空最平飛日本都要約五千，由於好多香港人會衝去夷平日本，小編認為短期內未必會出現非常特價的機票，強烈建議有心去嘅盡早預訂。

反而小編認為HK Express 部分航線有些微減價空間，有機會黎緊出優惠，二千左右會係入手範圍。

疫情後部分航空公司改了行李政策及收費，前後都相差唔少，記得要比較清楚。

The post 平飛攻略！開關後日本機票最全面分析！最平$ 398 單程去到日本！ appeared first on Flyday.hk.