等咗咁耐終於等到台灣開關！一講到去台灣旅行，大部分人最熟悉嘅應該都係台北市。其實台灣仲有好多好玩嘅地方！早前小編去台灣旅行嘅時候就去咗台中南投縣，今次就為大家介紹南投縣3個景點，分別係中興新村、半山夢工廠、毓繡美術館，全部都好IGable，文青一定要去！出發台灣之前記住要整定入台證！亦可以睇埋台灣自由行常見Q&A。另外，小編亦計畫咗一個以台灣療癒之旅為主題嘅行程！
相關優惠：【台灣療癒之旅】台灣另類行程推介！感受大自然之美｜森林療癒、頌缽、品茶｜水月休閒藍鯨魚寮、森18心靈劇場、溪頭福華渡假飯店
中興新村
中興新村係一個位於南投市北部嘅新市鎮，係台灣戰後第二個新市鎮，為過去中華民國臺灣省政府駐地所在，後來中興新村成為台灣第一個實施嘅都市計畫，仿照英國倫敦「新市鎮」模式興建。一到達中興新村，已經可以見到「大美生活提案所」旁邊嘅彩繪燈籠隧道，搭配旁邊嘅復古紅磚牆，非常適合打卡。
▼中興新村地圖
▼彩繪燈籠隧道
相關優惠：【桃園機場 – 台北市區交通攻略2023】台北自由行必睇懶人包！桃園機場出市區3種方法整合｜桃園機場捷運、客運巴士、包車機場接送介紹！
中興新村內有一棟名為「省府日常散策」嘅建築物，感覺類似中興新村嘅遊客中心，有咩疑難雜症都可以喺度詢問。另外，因為中興新村提倡「單車友善」、「自行車慢旅」，鼓勵遊客一路踩單車一路發掘中興新村，所以「省府日常散策」亦提供單車租借服務。分別有單人單車、四人協力車可以選擇，每人收費為新台幣150元，不限時間，仲會附送一支店家親自浸泡嘅冷泡茶。
▼「省府日常散策」
▼單車租借
相關優惠：申請入台證懶人包！一文睇晒兩大申請方法｜港人2月20日起可申請入台證到台灣自由行｜實測申請流程、所需文件
喺中興新村裡面有25間商店，慢慢行嘅話都可以行到大半日。因為呢度都係小店經營，所以特別感受到台灣嘅人情味，商店嘅員工、老闆全部都好熱情！呢度有好多唔同類型嘅店鋪，例如烘培屋、咖啡店、餐廳、書店、中藥店、民宿。小編推薦「55號烘培室」，未入鋪頭已經聞到麵包烘培嘅香味，佢哋除咗售賣麵包外，亦有蛋糕、飲品，店外仲有一個小庭院供客人坐低慢慢食，夠晒寫意！
▼「55號烘培室」
▼「55號烘培室」
相關優惠：【台灣開關】台灣將於2月20日正式開放港澳旅客自由行！申請台灣自由行常見問題！
黎到中興新村內另一打卡點——「郵票牆」。「郵票牆」係中興郵局為2014年嘅台灣燈會而打造，由300多款真實發行過嘅郵票組成，非常壯觀！
▼「郵票牆」
▼「郵票牆」
相關優惠：疫情後幾錢飛台灣至合理？平機票攻略！台灣優惠機票全分析！幾錢先係入手價？
下一站係被譽為中興新村最美建築嘅「小興苑」。「小興苑」由台灣第一女建築師修澤蘭設計，以前係台灣新生報辦事處，後來經過多次轉手，喺兩年前先以「小興苑文化藝術館」對外開放。一場去到中興新村嘅話一定要親自去望下有幾靚！裡面亦有唔少藝術收藏品，對藝術有興趣嘅朋友可以去行下。
▼「小興苑」
▼「小興苑」
中興新村
- 地址：台灣南投縣南投市中興新村 (地圖)
- 中興新村官方網站
相關優惠：【台北酒店2023】自由行必睇！8間台北酒店推介｜新開幕/附日式大浴場/溫泉酒店/鄰近捷運站｜JR東日本大飯店台北、和苑三井花園飯店台北忠孝、台北時代寓所、北投老爺酒店
半山夢工廠
半山夢工廠由以生活收納產品聞名嘅樹德企業打造，以智慧生產、文化觀光為題，號稱全球最大嘅觀光工廠。半山夢工廠2013年開始動工後，歷時九年終於喺2022年年底開幕。建築物由澳洲建築師Brad Williamson操刀設計，榮獲12項國際設計大獎肯定，可以話係南投最具指標性嘅新地標，以及人氣不斷上升中嘅打卡熱點！
▼半山夢工廠
一入到半山夢工廠，馬上見到第一個亮點——「生命樹環樹步道」。呢座生命樹以木材製作，並以台灣常見嘅榕樹為設計靈感，足足有十層樓高。沿著長達386米嘅步道環樹而上，透過大面積嘅觀景窗將南投嘅景色盡收眼底。
▼「生命樹環樹步道」
想要刺激嘅體驗？呢度滿足到你！半山夢工廠有一個名為「樹心跳到底」嘅體驗，參加者將會喺生命樹嘅頂端一躍而下，感受10秒內垂降30米嘅快感！小編就無咁大膽試玩，淨係睇住其他人玩已經睇到手心出汗，望到都覺得刺激！另外，半山夢工廠仲有「爬上生命樹」攀樹體驗、「全面啟動夢境」攀岩牆，鍾意玩刺激活動嘅話一定玩得好盡興！
▼「樹心跳到底」垂降
▼「全面啟動夢境」攀岩牆
同小編一樣唔鍾意刺激活動都唔緊要，因為呢度都好適合打卡！如果唔畏高嘅話小編好推薦大家行上「生命樹環樹步道」影相，影出黎好有氣勢！
▼觀景窗
半山夢工廠不定期與台灣在地小農合作。仲會舉辦創意市集以及展覽，推廣台灣各地嘅手作、文創品牌，有興趣嘅話可以留意佢哋Facebook page。
半山夢工廠
- 地址：台灣南投市工業南6路6號 (地圖)
- 電話：+886-4-9200-9666
- 半山夢工廠官方網站
相關優惠：【郵輪回歸】名勝世界郵輪Resorts World Cruises 4月推高雄、澎湖海上遊 (星夢郵輪前身) 三日兩夜每位$ 750｜另有公海遊
毓繡美術館
講到文青必去景點，又點少得美術館呢！毓繡美術館喺2016年開幕，係目前全世界第一間以當代寫實藝術為定位嘅私人美術館。創辦人希望藉住呢個美術館提升台灣藝術創作水平，以及將台灣年輕藝術家推向國際。呢度係免費入場，不過要留意必須預先喺官網預約，可以話係一個隱世美術館。館方解釋呢個安排係為咗人流管制，確保每一位入場人士都有舒適嘅空間欣賞藝術品。
▼毓繡美術館大門
毓繡美術館會定期更換展品，不設常設展覽，所以就算參觀多過一次都會有新鮮感。不過大家要注意，進去展覽館之前需要寄存手機喺locker，換句話說，館內唔可以使用電話以及拍照。呢個限制對香港人黎講可能唔係好慣，但係入鄉隨俗，大家記住遵守規矩啊！
▼館內環境
美術館內唔俾影相，驚一場去到無地方打卡？唔使擔心，雖然展覽館內禁止拍照，但係美術館外圍任影唔嬲。美術館外觀以混凝土、木構與、璃帷幕等質材建成，工業風格吸引唔少台灣網紅、KOL專程黎打卡，大家喺Instagram搜尋毓繡美術館就會見到好多靚相！
▼工業風設計
▼好多KOL會喺呢條斜路打卡
另外，呢度仲有咖啡店、文創商店，售賣台灣本土設計品，適合文青到訪。
▼百書咖啡廳
毓繡美術館
- 地址：台灣南投縣草屯鎮平林里健行路150巷26號 (地圖)
- 電話：+886-4-9257-2999
- 開放時間：星期二至星期日早上10:00 – 下午5:00；星期四早上10:00 – 下午3點 (逢星期一休館)
- 毓繡美術館官方網站
睇完以上三個景點介紹，係咪已經想出發去玩呢？如果驚自己周圍轉車麻煩嘅話，小編推薦大家使用包車服務，點對點到達目的地，比較方便省時。
經KKday預訂
另外，其實除咗由台中出發，喺台北亦可乘搭包車服務到南投縣。
經KKday預訂
搶先直擊！台北市面及夜市現況！
台灣陸委會早前終於宣布，放寬香港居民前往台灣自由行，相信大家同小編一樣好掛住台灣！小編為大家現場直擊台北最新市況，睇下桃園機場多唔多人、士林夜市有咩唔同咗！另外，今日開始就可以申請入台證啦，記得留意片入面兩種申請方法，做足準備去台灣玩！
The post 台中好去處2023｜台灣自由行必睇！3個台中南投縣必去文青、打卡景點｜中興新村、半山夢工廠、毓繡美術館 appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
