等到頸都長，台灣陸委會早起終於宣布，由2月20日起開放香港人去台灣自由行啦！講到去台灣旅行，台北都係最受香港人歡迎嘅目的地之一。咁耐無去過台北，你仲記唔記得點樣由桃園機場出市區呢？唔記得都唔緊要，小編為大家整理咗3種桃園機場來往台北市區嘅交通方法，分別係桃園機場捷運、客運巴士、包車機場接送，大家可以睇下邊一種最適合自己！出發之前記住要整定入台證！亦可以睇埋台灣自由行常見Q&A！
相關優惠：申請入台證懶人包！一文睇晒兩大申請方法｜港人2月20日起可申請入台證到台灣自由行｜實測申請流程、所需文件
搶先直擊！台北市面及夜市現況！
台灣陸委會早前終於宣布，放寬香港居民前往台灣自由行，相信大家同小編一樣好掛住台灣！小編為大家現場直擊台北最新市況，睇下桃園機場多唔多人、士林夜市有咩唔同咗！另外，2月20日起就可以申請入台證啦，記得留意片入面兩種申請方法，做足準備去台灣玩！
相關優惠：【台灣開關】台灣將於2月20日正式開放港澳旅客自由行！申請台灣自由行常見問題！
【桃園機場捷運】
桃園機場捷運係來往台北市區最快捷、方法嘅交通方法，連接台北市嘅交通樞紐站「台北車站」。桃園機場捷運分為兩種列車，分別係「直達車」(紫色車身) 以及「普通車」(藍色車身)。直達車只停「台北車站」、「新北產業園區」、「長庚醫院」、「機場第一航廈」、「機場第二航廈」，如果要去其他站嘅話就要乘搭普通車。
從桃園機場出發到台北車站，乘搭直達車只需35分鐘，普通車則需要49分鐘。兩種列車由桃園機場到台北車站嘅票價均為新台幣160元 (約$ 41)，可在售票機購票，或直接用交通卡，如悠遊卡、一卡通，啪卡入閘即可。另外，如果係乘搭中華航空、長榮航空，「台北車站」及「新北產業園區」均設有預辦登機服務，令旅客輕鬆前往機場，非常方便。不過要留意，桃園機場捷運服務時間由早上6點到晚上11:35，並非24小時營運，如果搭凌晨機抵達桃園機場嘅話就要選擇其他交通方法啦。
▼桃園機場捷運
▼桃園機場捷運路線圖
▼桃園機場捷運預辦登機服務
相關優惠：疫情後幾錢飛台灣至合理？平機票攻略！台灣優惠機票全分析！幾錢先係入手價？
【客運巴士】
喺桃園機場捷運開通之前，客運一直係連接桃園機場及台北市區嘅主要交通方式之一。因為票價較實惠，唔少人宜家仍然會選擇乘搭客運，因此客運適合旅行預算無咁高嘅旅客。國光客運、大有巴士及長榮巴士都有營運由桃園機場直達台北市各區嘅客運路線，費用由新台幣90元起 (約$ 23)。
一般唔塞車嘅情況下，大概1個小時就可從桃園機場直達台北。而且部分路線提供24小時服務，比起桃園機場捷運更彈性。不過乘搭客運容易受到路面交通情況影響，最好預留較充足時間。另外，每名乘客只可攜帶2件行李，如回程時購買了大量戰利品，可能就不適合乘搭客運前往機場。
▼國光客運
▼大有巴士
▼長榮巴士
相關優惠：坐郵輪去台灣｜4月推「香港-高雄」雙郵輪母港遊程
【包車機場接送】
如一家大細、攜同老人家出門，或者攜帶大型行李，包車機場接送係一個好選擇。包車所需費用相對較乘搭的士低，只要預先約好包車，司機就會喺指定時間到達機場接送你出台北市區，無論時間、地點都可提供個人化交通安排，一車直達目的地。而且包車設有多種車型可供選擇，例如5人車、9人車，可按照個人需要選擇。
經Klook預訂
經KKday預訂
▼包車機場接送
▼包車機場接送
【綜合比較】
| 交通 | 優點 | 缺點 |
| 桃園機場捷運 | – 班次固定，準時便捷
– 時間最短
|
– 價錢較貴
– 有機會須再自行轉車到目的地 – 深夜時段無服務 |
| 客運巴士 | – 較多路線可選擇
– 價錢較實惠 – 深夜也有班次 |
– 車程時間較長
– 有塞車風險 – 有機會須再自行轉車到目的地 – 有兩件行李限制 |
| 包車機場接送 | – 如拖著大型行李、有老人及小孩隨行較方便
– 價錢較的士便宜 – 直達目的地 |
– 價錢較其他交通方法貴
– 須預先預約 |
The post 【桃園機場 – 台北市區交通攻略2023】台北自由行必睇懶人包！桃園機場出市區3種方法整合｜桃園機場捷運、客運巴士、包車機場接送介紹！ appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
