[香港旅遊優惠]【持續更新】日本大阪2023旅遊資訊及最新景點｜自由行必睇食、買、玩、交通攻略｜大阪空庭溫泉 OSAKA BAY TOWER、JR特急HARUKA新增「大阪站」

日本開關後，相信唔少人已經買咗機票準備返鄉下。除咗東京之外，大阪亦係香港人去日本旅遊嘅熱門目的地。咁耐無去過大阪，擔心唔知有咩新景點、新嘅交通資訊？唔使驚，小編為大家持續更新大阪最新旅遊資訊，以及搜羅各個最新景點。如果打算去日本環球影城，可以睇埋日本環球2023活動整合。想睇櫻花嘅話仲有日本2023櫻花攻略！好多人去大阪嘅時候都會順道玩埋京都，小編亦為大家準備咗關西機場出大阪/京都交通攻略，以及京都2023旅遊資訊！

相關優惠：【關西機場 – 大阪市區京都交通攻略】關西機場出市區交通方法大整合！HARUKA 關空特急/利木津機場巴士/南海電鐵Rapi:t介紹！

交通資訊

【JR特急HARUKA新增「大阪站」】

計劃去大阪自由行嘅朋友注意啦！ JR特急HARUKA 3月中將會新增「大阪站」，直達大阪梅田市區！

一向係由關西機場出大阪嘅好選擇，以往只停靠天王寺站、新大阪站，以及終點京都車站，不過最近就宣布咗今年3月18日會新增「大阪站（北梅田站）」。 比起原有嘅「新大阪站」更靠近大阪市區梅田。之後由關西機場出發去梅田，車程將由71分鐘縮短至47分鐘！而且每日班次多達60班，每隔30分鐘左右就有一班車，以後去大阪玩就更加方便啦！

大家亦可以睇埋其他關西機場來往大阪市區嘅交通方法！

相關優惠：【持續更新】日本環球影城2023年活動整合｜UNIVERSAL COOL JAPAN 2023——《SPYxFAMILY》、《名偵探柯南》合作確定！

景點資訊

【大阪空庭溫泉 OSAKA BAY TOWER】

去日本點可以唔浸溫泉！ 唔知大家有無聽過位於大阪嘅空庭溫泉 OSAKA BAY TOWER呢？空庭溫泉係關西地區最大嘅溫泉主題樂園，佔地差唔多成18萬呎，溫泉種類五花八門，例如有露天溫泉、四季主題溫泉、足湯、獨立湯屋，實有一款啱你。

除咗有免費浴衣可以租借之外，仲有居酒屋、日式餐館等等嘅美食俾大家浸完溫泉之後醫肚，玩足全日都無問題！而且營業時間去到夜晚11點，夜晚無野做去浸下溫泉都幾好。最重要嘅係空庭溫泉離弁天町站幾近，地理位置都幾方便，唔會好隔涉。鍾意浸溫泉嘅話一定要去試下啦！

相關優惠：【全新日本酒店】5間大阪新酒店推介！日本首間W酒店！環球影城全新官方酒店！名設計師型格新酒店！

▼大阪市中心最美溫泉！打卡打到手軟｜空庭溫泉梅田出發10分鐘邊日幾點入場最抵玩？

空庭溫泉 OSAKA BAY TOWER

• • 地址：大阪府大阪市港区弁天1丁目 2-3 (地圖)
  • 電話：+81 570-033-577
  • 營業時間： 早上11:00 – 晚上11:00 (最終入場時間為晚上10:00)
  • 空庭溫泉 OSAKA BAY TOWER

經KKday預訂

【大丸梅田多啦A夢未來百貨期間限定店】

多啦A夢未來百貨公司喺大阪大丸梅田店舉辦快閃店活動，日期由即日起到5月28日。除咗一系列嘅期間限定商品之外，呢度最特別嘅就係可以寄信俾未來嘅自己！大家唔止可以喺度買到限定嘅郵票同埋明信片，仲可以使用埋佢哋嘅郵遞服務，最多可以寄到一年後嘅指定月份，到時候收到一定好開心。凡使用呢個服務仲會送一張紀念狀！鍾意多啦A夢嘅話一定要去行下！

大丸梅田多啦A夢未來百貨

• • • 地址：大阪府大阪市北区梅田3丁目1-1 13樓 (地圖)
    • 電話：+81 663-431-231
    • 營業時間：早上10:00 – 晚上8:00
    • 多啦A夢未來百貨公司官方網站

相關優惠：【東京迪士尼樂園/海洋】2023活動整合｜持續更新｜全新夜間匯演、40週年主題活動/酒店主題房間、幽靈公館期間限定活動、一年一度米妮日

▼去大阪唔食會後悔梅田商場必食10款人氣甜品＋小食人生食過最好食嘅…｜蜜香屋蜜芋雪糕、一心堂完熟水果大福、a la ringo蘋果批、阪神魷魚燒

▼大阪最新大型商場三井LaLaport堺｜Food Court先係本體｜必食漢堡扒、大阪築地海寶飯、Antiqulture古著店、Onelove寵物用品店

▼比551蓬萊好食嘅大阪豬肉包？2800円牛治？！2022難波心齋橋必食美食｜551HORAI、二見豬肉包、わなか章魚燒、心齋橋三文治、不易糊軟雪糕

The post 【持續更新】日本大阪2023旅遊資訊及最新景點｜自由行必睇食、買、玩、交通攻略｜大阪空庭溫泉 OSAKA BAY TOWER、JR特急HARUKA新增「大阪站」 appeared first on Flyday.hk.