香港免費著數及優惠折扣,香港旅遊優惠著數網,旅遊情報網,特價機票,酒店優惠,旅遊著數

香港旅遊優惠

[香港旅遊優惠]【台灣療癒之旅】台灣另類行程推介!感受大自然之美|森林療癒、頌缽、品茶|水月休閒藍鯨魚寮、森18心靈劇場、溪頭福華渡假飯店

等咗足足三年,終於都等到台灣開關啦!一講到去台灣旅行,唔少人都會即刻聯想到美食、夜市、購物。其實台灣仲有另一種玩法,就係療癒之旅!過去幾年因為疫情關係,好多香港人都被逼困喺屋企,日日對住四面牆。難得開返關,當然要去感受下台灣嘅大自然。小編早前去台灣旅行嘅時候,就plan咗一個以療癒身、心靈為主題嘅行程,好適合平時生活節奏咁急速嘅香港人,大家去台灣玩嘅時候都可以好好relax下!出發之前記住要整定入台證!亦可以睇埋台灣自由行常見Q&A!


相關優惠:申請入台證懶人包!一文睇晒兩大申請方法|港人2月20日起可申請入台證到台灣自由行|實測申請流程、所需文件

第一站——水月休閒藍鯨魚寮

位於新竹市嘅「水月休閒藍鯨魚寮」,早期以育苗、養殖為主。魚寮主人陳彥呈自小就喺父親開設嘅養殖場長大,曾飼養過石斑、草蝦、斑節蝦等水產,後來轉型為休閒海釣場。而家佢哋結合「現撈自家畜養海鮮」及「現場烹煮無菜單料理」嘅理念,俾遊客親自撈魚,再用所得食材親自下廚,自行準備午餐。實不相瞞,小編平時好少下廚,雖然準備午餐嘅過程有啲手忙腳亂,但係覺得成個體驗好有趣!因為由食材到菜式都係自己準備,所以有種回歸大自然、原始生活嘅感覺,係平時喺香港比較少有嘅體驗。

▼水月休閒藍鯨魚寮

水月休閒藍鯨魚寮

▼導師示範製作步驟

導師示範製作步驟

▼參加者親自下廚

參加者親自下廚

水月休閒藍鯨魚寮
  • 地址:台灣新竹縣竹北市西濱路一段69巷51-1號 (地圖)
  • 電話:+886-3-556-5577
  • 開放時間:上午9:00 – 下午6:00
  • 水月休閒藍鯨魚寮介紹網站

相關優惠:疫情後幾錢飛台灣至合理?平機票攻略!台灣優惠機票全分析!幾錢先係入手價?

第二站——森18心靈劇場

下一個目的地可以話係成個療癒行程嘅重頭戲,就係森18心靈劇場。淨係聽個名都聯想到係同「森林」、「心靈」有關。台灣近年開始流行「森林療癒」(Forest Therapy),係一種透過應用森林環境,以增進健康嘅自然療法或環境療法。森18心靈劇場位於森林入面,喺導師帶領之下,參加者沐浴於「森林浴」之中,導師更會教導如何與樹木連結,聆聽自己內心深處嘅想法,從而放鬆身、心靈,獲得平靜。

▼森18心靈劇場環境

森18心靈劇場環境

▼導師帶領與樹木交流

導師帶領與樹木交流

感受完大自然後,導師帶領參加者進行品茶,喺品茶嘅過程中探索自己內在潛意識。品茶時,參加者會按照自己對每種茶嘅感受填寫「意識圖」。之後導師會根據你填寫嘅文字、圖形進行講解,解讀你潛意識中嘅煩惱,並提供放鬆心靈嘅方法。

▼品茶環節

品茶環節

▼每人一份茶葉及意識圖

品茶環節

▼細味每一款茶葉

品茶環節

最後,導師更會進行一場「頌缽」,令參加者感受深層放鬆。閉上雙眼,乜都唔使諗,聽住頌缽嘅聲音以及輕柔嘅音樂聲,好耐都未試過咁放鬆。小編認為呢個體驗好適合平時生活壓力咁大嘅香港人!

▼頌缽環節

頌缽環節

森18心靈劇場
  • 地址:台灣南投縣名間鄉田仔村田仔巷16-8號 (地圖)
  • 電話:+886-049-2273797
  • 森18心靈劇場官方網站

相關優惠:坐郵輪去台灣|4月推「香港-高雄」雙郵輪母港遊程

第三站——溪頭福華渡假飯店:森林家宴

黎到晚上入住嘅酒店——溪頭福華渡假飯店,酒店位於南投縣鹿谷鄉森林裡面,雖然交通唔算特別方便,不過勝在有種遠離塵囂、被大自然包圍嘅感覺。到達後喺酒店餐廳享受「森林家宴」,酒店職員解釋叫做家宴嘅原因,係因為入住嘅客人都成為森林嘅一份子,大家都係一家人。咁warm,食起上黎特別有份人情味!菜式使用嘅食材都係南投在地物產,所以全部都好新鮮!

預訂酒店

▼溪頭福華渡假飯店

溪頭福華渡假飯店

▼溪頭福華渡假飯店

溪頭福華渡假飯店

▼森林家宴

森林家宴

▼凍頂烏龍茶香低舒肥成雞

凍頂烏龍茶香低舒肥成雞

▼信義茶梅手工蛋糕

信義茶梅手工蛋糕


相關優惠:【桃園機場 – 台北市區交通攻略2023】台北自由行必睇懶人包!桃園機場出市區3種方法整合|桃園機場捷運、客運巴士、包車機場接送介紹!

第四站——溪頭福華渡假飯店:頌缽

享受完森林家宴之後意猶未盡,未想返房休息?唔緊要,溪頭福華渡假飯店提供好多唔同類型嘅活動,例如瑜伽班、頌缽班、香薰班、DIY手作課程,小編當晚就體驗咗頌缽班。同日間喺森18心靈劇場體驗嘅頌缽有啲唔同,呢度提供埋一張張嘅瑜珈墊以及枕頭,甚至有埋棉被,俾參加者瞓喺度體驗頌缽。過程中導師會進行頌缽,仲會播放輕柔嘅音樂,參加者要做嘅只係閉上雙眼,放鬆身體,聆聽周圍嘅頌缽聲音,就算真係瞓著咗都無所謂。導師話進行完呢個頌缽課程後,晚上會瞓得比平時更好,更容易達到深層睡眠。小編實測當晚真係比較容易入睡,一覺瞓到天光!

經KKday預訂

▼夜間頌缽環節

夜間頌缽


相關優惠:【台灣開關】台灣將於2月20日正式開放港澳旅客自由行!申請台灣自由行常見問題!

第五站——溪頭福華渡假飯店:森林療癒之旅

瞓飽飽之後又係新嘅一日,喺酒店嘅Hovii Cafe享用完自助早餐之後,小編參加咗酒店嘅另一個活動。溪頭福華渡假飯店位於森林之中,酒店更加係由臺灣大學實驗林管理處研究及管理,酒店亦有好好善用呢個優勢,舉辦同森林有關嘅活動,例如晨間森林散步、夜間生態導覽活動,以及小編參加嘅森林療癒之旅。

喺「森林療癒師」嘅帶領之下,參加者喺與酒店相鄰嘅溪頭自然教育園區散步,沐浴於森林浴之中。隨後由導師帶領進行一系列舒展運動,將注意力放喺周圍大自然嘅聲音、微風嘅變化上,感受與大自然融為一體嘅感覺。導師亦解釋植物會釋放芬多精,只要逗留喺森林之中,哪怕係短短15分鐘,都會發現自身嘅壓力以及感官敏感度會有所不同。小編係第一次喺森林入面進行呢種體驗,做完後感覺好fresh,個人比平時更有精神!

▼Hovii Cafe自助早餐

Hovii Cafe自助早餐

▼森林療癒之旅

森林療癒之旅

▼導師帶領舒展運動

導師帶領舒展運動

溪頭福華渡假酒店
  • 地址:台灣南投縣鹿谷鄉森林巷10號 (地圖)
  • 電話:+886-049-2612588
  • 溪頭福華渡假飯店官方網站

大家睇完呢個療癒行程之後想唔想試下呢?小編平時去台灣都係以飲飲食食、行街shopping嘅行程為主,今次初嘗大自然之旅,覺得有種不一樣嘅感覺,好似發掘咗台灣嘅另一面咁!小編認為呢類型嘅行程好適合香港人,平時返工返學生活步伐已經咁急速,去旅行嘅時候放慢腳步,好好欣賞大自然嘅美,不失為一種好選擇!


搶先直擊!台北市面及夜市現況!

台灣陸委會早前終於宣布,放寬香港居民前往台灣自由行,相信大家同小編一樣好掛住台灣!小編為大家現場直擊台北最新市況,睇下桃園機場多唔多人、士林夜市有咩唔同咗!另外,今日開始就可以申請入台證啦,記得留意片入面兩種申請方法,做足準備去台灣玩!

 

The post 【台灣療癒之旅】台灣另類行程推介!感受大自然之美|森林療癒、頌缽、品茶|水月休閒藍鯨魚寮、森18心靈劇場、溪頭福華渡假飯店 appeared first on Flyday.hk.



香港旅遊優惠情報TG Group

[hkDate] - 免費香港交友APP - 認真交友,尋找穩定關係及結婚對象   IOS下載    Android下載

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載