終於可以去台灣玩啦！去旅行除咗計畫景點、美食之外，住宿亦係非常重要嘅一環！咁耐無去過台灣，唔知住邊間酒店好？唔使擔心，小編今次為大家嚴選8間酒店，包括JR東日本大飯店台北、和苑三井花園飯店台北忠孝、台北北門世民酒店、台北晶華酒店、天成文旅-蜂巢、台北時代寓所、台北怡亨酒店、北投老爺酒店。諗住去台北旅行嘅話一定要睇埋落去！出發台灣之前記住要整定入台證！亦可以睇埋台灣自由行常見Q&A。
【JR東日本大飯店台北】
JR東日本大飯店台北喺2021年開幕，係JR東日本集團海外首間豪華酒店，一共提供288間客房。酒店位於中山區，由捷運南京復興站步行1分鐘即可到達。客房設計以木紋風格為主，營造出優雅舒適嘅感覺。酒店另一大亮點就係首次跨足海外市場嘅「はや瀬HAYASE」。「はや瀬HAYASE」係一間仙台懷石料理餐廳，使用嘅大部分漁獲、佐料等，都係由日本產地直送來台，非常新鮮。
預訂酒店
▼酒店外觀
▼酒店大堂
▼酒店房間
▼はや瀬HAYASE
JR東日本大飯店台北
-
- 地址：台灣台北市中山區南京東路三段133號 (地圖)
- 電話：+886-2-7750-0900
- JR東日本大飯店
【和苑三井花園飯店台北忠孝】
和苑三井花園飯店台北忠孝於喺2020年開幕，係日本三井集團旗下嘅花園系列酒店之一。酒店位於大安區，由捷運忠孝新生站步行只需1分鐘。酒店行日式風格，除咗以日式簡約裝潢為設計，房間內亦使用日本花王KAO沐浴備品，仲有最受關注嘅日式大浴場。日式大浴場位於頂樓，係男/女分開嘅公共裸湯。
預訂酒店
▼酒店外觀
▼酒店房間
▼日式大浴場
▼酒店餐廳
和苑三井花園飯店台北忠孝
-
- 地址：台灣台北市大安區忠孝東路三段30號 (地圖)
- 電話：+886-2-2781-1131
- 和苑三井花園飯店台北忠孝
【台北北門世民酒店】
台北北門世民酒店係一間來自荷蘭嘅品牌，於2017年開業，提供超過250間客房。酒店位於台北鬧市北門，距離台北交通樞紐在台北車站只有10分鐘路程，距離機場捷運更只需5分鐘步行距離，落機拖住行李都唔使驚要行好遠先到酒店，相當方便。
預訂酒店
▼酒店大門
▼酒店大堂
▼酒店房間
▼酒店房間
台北北門世民酒店
- 地址：台灣台北市中正區中華路一段3號 (地圖)
- 電話：+886-70-1016-1061
- 台北北門世民酒店官方網站
【台北晶華酒店】
台北晶華酒店位於中山區，共提供538間客房。酒店鄰近捷運中山站，距離南西商圈只需5分鐘步程，華山1914文化創意產業園區、中正紀念堂、士林夜市、松山文化創意園區等景點只需10-15分鐘車程。如果打算去呢啲景點嘅話，呢間酒店都幾方便。酒店仲設有兒童遊戲室，適合家庭入住。
預訂酒店
▼酒店大門
▼酒店大堂
▼酒店房間
▼童話森林遊戲室
台北晶華酒店
- 地址：台灣台北市中山區中山北路二段39巷3號 (地圖)
- 電話：+886-2-2523-8000
- 台北晶華酒店官方網站
【天成文旅-蜂巢】
天成文旅-蜂巢位於大同區，樓高6層，共提供32間客房。酒店靠近台北車站後站商圈，距離台北車站只需8分鐘步程，鄰近大稻埕、迪化街、寧夏夜市。酒店以蜜蜂為主題，到處都充滿可愛蜜蜂元素，小朋友應該會幾鍾意。房間以黃色為主調，配以蜂巢狀嘅六角形吊燈、家具及裝飾，設計較新潮活潑。酒店亦設有兒童遊樂室，同樣適合一家大細入住。
預訂酒店
▼酒店大門
▼酒店大堂
▼酒店房間
▼星空童樂室
天成文旅-蜂巢
- 地址：台灣台北市大同區太原路57號 (地圖)
- 電話：+886-2-2559-9000
- 天成文旅-蜂巢官方網站
【台北時代寓所】
台北時代寓所於2020年開幕，係希爾頓集團旗下嘅酒店，設計以「菲林」作為主題，具有現代摩登感，酒店大堂已經好適合打卡。酒店一共提供175間房間，包括41間非常受歡迎嘅轉角客房。酒店旁邊就係捷運善導寺站，非常方便，去台北車站車程只需2分鐘，華山1914文化創意產業園區只需3分鐘 。
預訂酒店
▼酒店大堂
▼轉角房
台北時代寓所
-
- 地址：台灣台北市中正區林森南路7號 (地圖)
- 電話：+886-2-7752-1888
- 台北時代寓所官方網站
【台北怡亨酒店】
台北怡亨酒店位於大安區，距離捷運信義安和站只有5分鐘路程。地理位置鄰近台北101、信義威秀商圈、太平洋SOGO百貨，鍾意行街shopping嘅話係一個唔錯嘅選擇。台北怡亨酒店係全球奢華精品酒店 (Small Luxury Hotels of the World) 嘅成員，裝修設計比較新潮，喺大堂可以見到來自世界各地當代藝術大師嘅作品。酒店樓高12層，一共提供60間客房。
預訂酒店
▼酒店外觀
▼酒店大堂
▼酒店房間
台北怡亨酒店
- 地址：台北市大安區敦化南路一段370號 (地圖)
- 電話：+886-2-2784-8888
- 台北怡亨酒店官方網站
【北投老爺酒店】
想浸溫泉除咗可以去日本之外，喺台北都可以浸到！台北北投區嘅溫泉非常出名，該區仲有唔少溫泉酒店。北投老爺酒店以「優化健康生活的新旅程」為概念，打造以「健康療癒」為主題嘅酒店。酒店內除咗有SPA、瑜伽伸展課程之外，當然唔少得溫泉！酒店唔止有公共男女裸湯，更設有獨立湯屋可供客人預約，喺獨立空間裡面享受溫泉，唔驚同陌生人一齊浸會尷尬。酒店距離捷運新北投站只需2分鐘步程，交通方便。
預訂酒店
▼酒店外觀
▼酒店房間
▼公共溫泉
▼獨立溫泉
北投老爺酒店
- 地址：台北市北投區中和街2號 (地圖)
- 電話：+886-2-2896-9777
- 北投老爺酒店官方網站
The post 【台北酒店2023】自由行必睇！8間台北酒店推介｜新開幕/附日式大浴場/溫泉酒店/鄰近捷運站｜JR東日本大飯店台北、和苑三井花園飯店台北忠孝、台北時代寓所、北投老爺酒店 appeared first on Flyday.hk.
香港旅遊優惠情報TG Group
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
