香港免費著數及優惠折扣,香港旅遊優惠著數網,旅遊情報網,特價機票,酒店優惠,旅遊著數

香港旅遊優惠

韓國機票全分析!幾錢先係入手價?



今年韓國線真係愈減愈平,幾間傳統航空國泰、韓亞、大韓都打破自己底線飛甩二千蚊,為求賣飛不擇手段。仲有新廉航加入戰場搶客,你話唔飛去識個oppa返黎對唔對得住自己呀?所以小編岩岩update咗韓國平飛攻略,話你知幾時減到最平先係入手時機!

更新日期:2017年12月29日

注:以下所提及的價錢為來回連稅價錢,個別廉航未包寄艙行李費,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

首爾

喺17年下半年,幾間傳統airline國泰、韓亞、大韓都分別大激減互撼,齊齊連稅跌破二千。以國泰最誇張來回連稅只需$ 1,619,仲要包30KG行李同飛機餐喎!廉航都要行開一邊!三間航空出名質素好,預早訂嘅話航班時間選擇仲好多,凌晨機去晚機返都得。而港航成日都減,半年前做過大SALE,來回最平$ 1,149!呢個廉航價黎嘅,仲包行李添,點鬥呀?

另外三間傳統航空公司埃塞俄比亞航空、印航同埋泰航,時間一般般價錢中規中矩,不過想即買即飛都可以睇下。以往埃航喺紅日/旺季都會搵到平飛,不過18年6月後就會停航,fans留意下有無last mintue優惠喇!

至於廉航方面,有三間包寄艙行李嘅真航空、易斯達航空、同埋新加入嘅首爾航空。不過真航空及易斯達航空只有下午去早機返嘅航班,除非無得揀先考慮。而首爾航空就可以凌晨機去晚機返,性價比一流。濟州航空只係包10kg手提行李,但可以配合埋新會員減$ 200優惠再平啲,岩岩年尾仲推出大促銷,香港/澳門單程飛首爾$ 100 (來回連稅計香港$ 658、澳門MOP717)。有需要可買寄艙行李,每件15KG $ 200,但超過15KG當超重計算,每kg收費$ 85 / KRW 8,000,好肉赤!所以有時選購較高級別嘅機票,仲平過加購行李!平時優惠大約一個月一次,入手價為$ 1,200。

而HK Express 每日有四至五對航班,成日都有優惠減價,一星期一次小減,一個月一次大減,上半年試過快閃限賣7小時單程$ 7,來回連稅$ 471!超平!而入手價為$ 900 左右。

釜山

暫時只有4間航空直飛釜山,分別係大韓、釜山航空、港龍及HK Express!係今年港龍同大韓鬥生鬥死,兩間試過最平$ 1,700多就有交易!未見過咁平好恐怖!不過小編認為釜山航空性價比最高,包20KG 行李,凌晨機去晚機返,靚航班時間,最平連稅價都係千一蚊,平均一個月出一次優惠!

HK Express優惠大約一星期見一次,平飛數量每次優惠都比較少,加埋行李一般都要千鬆啲蚊,睇下各位搶唔搶到幾百蚊既平飛啦!

濟州

仲有另一個熱門航點濟州,直航只有港龍同HK Express兩間!平時港龍fanfares都好少見到蹤影,不過因為減價戰關係都失手跌到千八多!另外HK Express只限凌晨機去朝早返,每星期出一次優惠,入手價預$ 1,000左右。

***結論:
1) 想揀靚時間航班,建議盡早買韓亞/大韓全年優惠!宜家全線二千有找可入手!
2) 想最平飛首爾/濟州,首選必然係HK Express,記住捕定每個星期一優惠或約一個月一次MEGA SALE啦!
3) 平飛釜山,有得揀一定揀釜山航空,包20KG 行李同凌晨機去晚機返!
4) 真加入首爾線嘅首爾航空 (韓亞旗下嘅廉航) 性價比都唔錯,多一間廉航選擇。

✈✈相關優惠✈✈
超抵震撼價!平過fanfares!國泰來回韓國$ 1,390 起 – https://flyday.hk/53245

年度大促銷!來回連稅$ 658 起!濟州航空香港/澳門單程飛首爾$ 100 – https://flyday.hk/53427

其他平飛攻略:
日本:https://flyday.hk/22804/
台灣:https://flyday.hk/23490/
東南亞:https://flyday.hk/23881/
澳洲:https://flyday.hk/24189/
歐洲:https://flyday.hk/24418/

11201443_768325366615770_666407666_o



香港旅遊優惠情報TG Group

[hkDate] - 免費香港交友APP - 認真交友,尋找穩定關係及結婚對象   IOS下載    Android下載

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載