香港免費著數及優惠折扣,香港旅遊優惠著數網,旅遊情報網,特價機票,酒店優惠,旅遊著數

香港旅遊優惠

平飛攻略!台灣機票全分析!幾錢先係入手價?



平飛攻略台灣篇啦!下半年度台灣機票減幅並非特別標青,各家航空暫時喺呢塊肥豬肉上休戰,紛紛以全年優惠招攬客人,價錢保保守守隨時都可以入手!不過配合埋其他旅遊網站優惠,幾間航空分別創新最低價!究竟喺邊幾間?依家搵到嘅價值唔值得入手?睇埋落去就知答案啦!

最後更新:2017年12月29日

注:以下所提及的價錢為來回連稅價錢,及未包廉航寄艙行李費,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

台北:

高雄:

以往想平飛台北都會叫大家揀港航,不過呢支歌仔好似唱唔響喇!雖然下半年一度出現過連稅$ 795癲價及喺11週年減價賣平過連稅九百!不過一旦減價完好快就回復正常價!如果想入手低過一千嘅台北機票,不妨捕下Flash Sale!而佢隻全年優惠來回台北$ 715 (連稅$ 1,129),賣到明年7月13日!要成千一蚊!雖然呢個價依然比另外三間平,不過航班時間有限制,只可以揀晚去早返,咁就無左頭尾兩日!但係都有值得稱讚嘅地方,今年佢隻暑假平飛賣緊連稅$ 1,194,算係家長們嘅福音喇!

除左港航之外,其餘三間都主要係做全年優惠,好少忽然間大減。

下半年度嘅長榮極級保守,價位維持千一至千三水平,以五星航空標準黎講唔差!而且正在無咩時間限制 (限時優惠另計)兼包30 KG!依家佢隻全年優惠來回台北都係$ 1,059 (連稅$ 1,252)!

而今年華航同國泰都比較進取!宜家華航全年優惠賣緊$ 736 (連稅$ 1,126)、國泰$ 1,032 (連稅$ 1,225)!而國泰仲一度跌穿千二關口,可喜可賀!兩間性價比極高,除咗多航班時間選擇、包30 KG行李,仲可不同城市來回,例如台北入、高雄走!華航今年出咗一個條條fing優惠,唔要行李一千蚊有找,踩過界撈埋廉航果範!而佢地今年都有出暑假平飛,連稅千四鬆啲,岩哂大專生去環島遊!

其實四間航空價錢相差無幾,記住華航/長榮/國泰都係包30KG 行李!

台中:

台中想坐傳統航空就有華航同港龍,兩間都可以不同城市來回,例如台北入、台中走!華航全年優惠賣緊$ 736 (連稅$ 1,126)、國泰$ 1,031 (連稅$ 1,225)!而國泰仲可以一人出發!HK Express,年內試過來回連稅最抵$ 399,平時嘅優惠價預$ 600-$ 700啦!

台南:

台南雖然只係得華航直飛,但一樣長期都有優惠。入手價比台北高雄平少少,約$ 1,200。

花蓮:

只有HK Express 直航飛花蓮,每星期都會減價,入手價同樣約$ 700,好多人都會自製open jaw玩哂台中花蓮!

***結論
1) 四間航空主要出全年優惠招客,想去台北其實可以直接買飛,突發減價機會唔高,唔使等!反而愈早訂先有早去晚返平飛。
2) 如果想玩多過一個地方,只需要留意華航及國泰/港龍,可不同城市來回。
3) 以上優惠只得7日逗留期限(長榮及HK Express除外),故此建議想去足成個月環島遊既fans,買長榮台北優惠,或者HK Express台中/花蓮會比較化算。

其他平飛攻略:
日本:https://flyday.hk/22804/
韓國:https://flyday.hk/23182
東南亞:https://flyday.hk/23881/
澳洲:https://flyday.hk/24189/
歐洲:https://flyday.hk/24418/



香港旅遊優惠情報TG Group

[hkDate] - 免費香港交友APP - 認真交友,尋找穩定關係及結婚對象   IOS下載    Android下載

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載